【土地大辯論】商場倒模充斥自由行　港女崩潰：喺香港拍拖好辛苦

香港土地問題嚴重，除樓價持續高企，年輕一族上車無望，簡單如「拍拖搵節目」的卑微願望也難以滿足。有女網民在討論區發文控訴，「喺香港拍拖好辛苦」，坦言羨慕外國人生活，「就算冇嘢做，都可以去附近公園靜靜哋瞓一日草地」，惟香港大部分公園卻被長者佔據，而且香港每個商場幾乎倒模般，不論店舖或餐廳也是連鎖品牌，慨嘆港人根本沒有選擇。

下載「香港01」App ，即睇城中熱話：https://hk01.app.link/l7U1Y7t5LO

該絲打日前在連登討論區以「Ｘ你老Ｘ，喺香港拍拖好辛苦」為題發文，抱怨在香港拍拖太多限制，她舉例在外國，就算放假沒事幹，都可以去附近公園草地靜靜地放空一天，「但香港呢？想落樓下公園都畀（俾）成班廢老佔據埋。」即使轉場去「行下街食下飯」，惟香港到處也是倒模般的商場，「嚟嚟去去都係賣衫賣化妝品賣珠寶」，連唯一可取的food court（美食廣場），「都係食緊啲連鎖餐廳嘢」，甚至有商場為賺錢，直接捨棄food court，讓大家繼續捱貴餐廳。

而最令她反感的是，自由行內地旅客遍佈各大小商場，「一個二個拖晒篋，幾大個商場都冇位行啦」，慨嘆「已經唔係講緊普通情侶連扑野嘅空間都冇嘅問題」，而是「簡簡單單出個街都覺得好困難」。

帖文引起不少網民共鳴，不足一日已有超過2000個讚好，有人認為「最慘係屋企又唔係成日上得」、「就算上得，都會有屋企人，睇個戲都唔自在」，亦有網民坦言結婚才是「終極大佬」，因為根本不能負擔樓價，慨嘆「如果你有女，佢又係有要求的人，喺香港生存係好痛苦的事。」

（連登討論區）