【特首選戰．有片】曾俊華、胡國興論壇金句錄 槍口一致對準林鄭
撰文：李彤茵
出版：更新：
特首候選人曾俊華及胡國興昨晚（8日）出席資訊科技界的選舉論壇，雖然二人未有同場辯論，只接受台下業界提問，但不乏令人回味的金句，且不少都提到另一候選人林鄭月娥；即使沒有出現一個「嬲」字，同樣火花四濺。
曾俊華稱不期待與其他候選人同台較量。（梁鵬威攝）
特首選舉進入肉搏階段，候選人出席選舉論壇成為例牌動作，但曾俊華對與其他兩位對手同場較量似乎興趣缺缺。
唔係特別期待（同場），有咩好傾？大家都知佢哋嘅政綱係咩，我都睇唔到特別地方。
被問到在兩會期間，有京官提到對下屆特首的要求，認為自己是否有受到中央領導人的祝福，曾俊華反問「你睇到有咩」？又指不論任何人說甚麼言論，自己都會努力爭取選委支持，又指至今都沒有想過會輸，更拿早前有指選票會被驗指紋的傳聞開玩笑。
對於另一位候選人林鄭月娥指會提出理財新理念，曾俊華亦以金句回應。
我睇過好多相關報道，我真係睇唔到有咩新意。佢（林鄭月娥）亦都講到有三大靠山，幫佢補習一兩個鐘頭就全部了解晒整個金融系統，我係香港政府至少有廿幾年係做商貿、金融、經濟方面工作，我都好難講我係好精準把握得到國際上嘅趨勢。
胡國興被問到其班子時，直言不會邀請林鄭月娥。（梁鵬威攝）
另一侯選人胡國興被問到他會如何選擇班子成員，他指會用人唯才，絕不會用人為親或只用某個黨派的人士，只要是有能力的人士都會邀請。
我唔會請佢（林鄭月娥）入我嘅政府，因為佢今日都唔黎，咁點請？至於曾生（曾俊華）有適當嘅團隊環境下，佢係有機會比到好嘅意見，發揮得到，所以我係會歡迎佢入我嘅團隊。
胡國興稱其政綱提到不用理會831框架，「冇人鬧過我、駁過我」，又指對自己選情非常有信心。
個個都話我跟足基本法，咁做法官唔跟基本法，邊個跟呀？唔好諗住我實輸，我其實有80%會贏。