吳浩康九展騷宣佈加場 感恩表示：有一秒喺台上我都好開心
撰文：史順宜
出版：更新：
老土都要講句：「只要有恆心鐵柱磨成針！」歌手吳浩康（Deep）似乎是呢番說話的代言人。吳浩康早年曾因種種負面新聞而令他形象受損。但最近他憑著自己的努力，在Facebook上開直播節目《Deep Nite Show》後，以實力服眾，把人氣再度升溫。繼早前宣布將於12月10日在九展舉行《Listen to Deep Live 2017》演唱會後，今日再接再勵迎來好消息，宣佈加開12月9日一場。而門票將於10月12及13日優先訂購，10月16日公開發售。
吳浩康將於九展舉行《Listen to Deep Live 2017》演唱會。（黃國立攝）
吳浩康昨晚現身於尖沙咀碼頭舉行《Deep Nite Show》。（英皇提供）
吳浩康的《Deep Nite Show》每次都得到不少樂迷到場支持。
雖然演唱會將至，但《Deep Nite Show》依然如常舉行。昨晚現身尖沙咀碼頭開live的Deep得知加場消息感到非常感恩，還謙稱：「其實有一場演唱會做我已經好開心。如果我仲諗加唔加場，我會認為自己諗多咗。依家加到我當然好開心啦。就算加唔到場，只有我有一秒喺舞台上我都好開心。」除了為喜訊感到興奮外，Deep表示也感到一定的壓力：「我加場同人哋唔同，人哋係加喺後面，我係加喺前面（9日），相對嚟講踩台嘅時間少咗。」
經理人Mani（霍汶希）曾於演唱會記招寄語Deep下一站要到紅館開騷。（黃國立攝）
Deep今年先在9月推出新歌《較早前錄影》，為了多謝樂迷對他的支持，Deep正密鑼緊鼓籌備新歌，並透露演唱會而keep fit：「都係快啲做隻新歌啦。有機騷肌嘅，我都努力緊，但又唔想為騷而騷。」今次開九展騷叫好叫座，未知下一次會不會如經理人Mani（霍汶希）所講，下一站紅館呢？