趙學而入行24年首次紅館個唱：終於喺自己個騷嗌山頂朋友你哋好

趙學而昨晚舉行首次紅館個唱《Right on Time 演唱會 2018》，一眾圈中好友現身支持，包括：陳奕迅、林二汶、蔡一傑、蔡一智、廖碧兒、廖碧兒、江若琳與老公蕭潤邦等等。

趙學而入行24年，歌影視都有涉獵，或許你最有印象是她《皆大歡喜》中林玉露一角；但其實她早於90年代，已唱過不少動人情歌。趙學而興奮高呼：「終於可以喺自己演唱會講，山頂嘅朋友你哋好！」她更脫下耳機，享受樂迷的掌聲與歡呼聲。

一眾圈中好友都有現身支持「而婆」。(梁碧玲攝)

難得開紅館，趙學而送上各首經典作品，如：《反叛情歌》、《自欺欺人》、《尋開心》、《每隔兩秒》、《我恨我是女人》等等，一次過滿足樂迷願望。不過，唱《每隔兩秒》時，學而在前奏不慎甩嘴，她自嘲說：「哎呀！老貓燒鬚o添！再嚟過！」樂迷毫不介意，報以歡呼聲打氣，場面溫馨。

演唱會中段，張智霖驚喜現身，與學而合唱《現代愛情故事》，他們憶起以往內地登台的點滴。張智霖放笑彈說：「做你嘉賓，你唔會話『細細個就你嘅歌大』，唔似啲冇教養嘅後輩，大家咁高咁大！樂壇人瑞大戰樂壇人乾，哈哈！」接着唱出另一首經典《祝君好》，及後走到台下欣賞學而餘下的演出。

整個演唱會學而出動6套戰衣，當中最搶眼的造型一定是銀色Bra Top配bling bling闊腳褲，再加上連串勁歌熱舞，令樂迷眼前一亮。學而躺在舞台上自嘲說：「跳幾下就氣來氣喘，唔認老都唔得⋯⋯」她忽然感性眼濕濕續說：「我會用我最大嘅努力，做到就做！」

點擊重溫學而各個造型。(梁碧玲攝)

到演唱會尾聲，學而憶起一段往事感觸說：「曾經有一個位高權重嘅人同我講『你冇價值㗎喇！』亦有另一個位高權重嘅人話『你唔唱歌唔使死㗎啫！』爭氣呢個兩字好難，但路遙知馬力，我等咗廿幾年都等到，人應該為自己嘅選擇而堅持！」最後學而唱出最後一首金曲—《誰明浪子心》，全場樂迷萬人大合唱，場面相當感動，學而更熱淚盈眶，演唱會亦圓滿結束。

騷後學而接受訪問，被問以往曾被批評，這次演唱會是否以行動為自己出一口氣？她表示：「其實我一直為自己爭緊氣嘅！我唔會刻意話為邊個人而爭氣，做人都係為自己而交代㗎啫！」另外，有否想過邀請王傑同台再唱《誰明浪子心》？學而表示對方檔期很滿未能抽空，她亦說：「呢隻歌喺我音樂上面有一個重要嘅位置，大家又鍾意喺K房唱，所以就選擇同大家大合唱，氣氛都她開心同感動！」