薛家燕復工錄影戴眼罩見記者 隔離期間呻悶：要喺屋企行嚟行去
撰文：劉傳謙
出版：更新：
早前新城電台爆發新冠肺炎群組，在新城開咪的薛家燕（家燕姐）為安全計自我隔離14日，更因此缺席無綫（TVB）音樂節目《流行經典50年》兩集錄影。她在隔離期滿後再作檢測，在得知結果呈陰性後，昨晚（4/8）即現身TVB為參與節目錄影，除以一身粉紅色花花晚裝配襯口罩，在與傳媒見面時更戴上防飛沫面罩，又以噴霧消毒四周空氣，做足防疫措施保護自己。
相隔兩星期後，家燕姐再為《流行經典50年》錄影。（梁碧玲攝）
在居家隔離的日子，家燕姐盡量減少與自己接觸的時間，子女亦只放下為自己買的日用品後就離開。談起這段日子，她直言悶得十分難受：「我係一個好活躍嘅人，我鍾意扮靚，依家都唔需要著靚衫。我無端端搵一日化晒妝，著晒靚衫，喺屋企行來行去，先覺得好似好返啲，人都精神啲，（呢段時間）做咗好多平時唔會做嘅嘢。」
這段疫情亦令家燕姐有所反思，來年決定在事業上放慢腳步：「當疫情好返之後，就唔好有太多工作啦，享受下人生。我依家都行得食得，可以周圍去，不如就去下旅行啦！」至於新城的工作及其他廣告拍攝，家燕姐指將留待下周才逐步恢復。