【素食塔利班?】員工在舖頭食牛腩麵外賣 純素餐廳被網絡公審

撰文:梁雪怡
出版:更新:

12月上旬素食界熱鬧非常,事緣有人在一個有逾五萬人讚好的素食群組中,貼上一間純素餐廳的食物照片,圖片說明是「成間舖頭得4個員工,但3個叫咗隔離間舖嘅牛腩麵、同豬手麵喺間食素嘅舖度食,仲要食到一枱都係骨,對住我真係接受唔到! 」
此帖子引來多方討論,管理員甚至停止了該帖子的評論功能。有人覺得素食店的行規是廚房不煮葷、舖面沒有葷食是理所當然;有人覺得此舉為「素食塔利班」、「素食恐怖分子」,強迫別人跟隨自己的信念,不跟的就有罪。這間素食店的老闆又竟然「夠薑」,在網上回應「小老闆對此『侵犯』感到難過」,他說:「我嬲嘅係點解你當時唔出聲?叫我拿開佢囉,我最接受唔到嘅係你擺上網公審。」

網民:「吃肉人士係比較冷漠」?

有網友就事件留言:「好多茹素人士係會多一點同理心⋯理解動物嘅痛苦⋯正常吃肉人士係比較冷漠⋯」(網上截圖)

又有網友說:「學劉德華話齋,今時今日咁嘅服務態度唔夠㗎!做生意通常應該係:顧客至上。」;亦有人上綱上線,由食肉影響心情變成影響煮食質素:「廚房自己都唔食素,肯定唔會多監察餸菜品質。」

Veggie Cafe老闆Derek在網上回應

我記得係那兩位客人,但感到十分奇怪的是,既然不喜歡為什麼當時不提出意見?閣下覺得打擾我是會即時和其他伙記行去後行踎度食㗎。煮又唔得買返來都唔得?然後你擺上網想公審我?
仲有,係我哋開咗鋪先隔籬再開麵舖(而邏輯奇怪在隔籬嘅咖啡店及漢堡包佢哋覺得冇問題?),咁又唔得不如閣下出手買晒啲商鋪吖。
敢問而家我哋犯法嗎?

餐廳賣純素,所有菜式不含蛋奶。Derek希望改變大家對素食是沉悶的印象。餐廳提供多種口味的健康沙律,不少客人都是專程為沙律而來。(吳煒豪攝)

想知素食群組網友如何看素食店員工可否吃肉,可點擊下圖:

+4

老闆「夠薑」網絡還擊  「我唔係劉德華嗰套﹗」

記者笑說老闆「夠薑」,通常開得門做生意也不會......「鬧個客呀嘛!」Derek(葉柏麟)牽起嘴角尷尬道,他續說:「我本身應該謙卑咁道個歉,但嗰次我嬲嘅係,嗰兩個客入嚟之前間舖都冇客,所以我叫哂伙計買嘢食先,買完之後返嚟見有客,我哋都放哂啲嘢喺度,做埋先食。食完之後佢又冇講嘢,好快走咗,之後先網絡公審我。如果佢當場講,我會叫伙計拎去隔籬食,其實以前都試過有人叫。」

「我朋友都話我黐線,咁對啲客。我話,有啲客嘅要求你永遠都達唔到,佢嚟多次,只會不斷挑剔,啲人你寧願同佢嘈一次,等佢永遠唔好返嚟,我唔係劉德華嗰套(即顧客永遠是對的)。其實平時冇事冇幹,我同客都有講有笑,只係對蠻不講理嘅人我會還擊。」

葷食侍應難道要去後巷開餐

220呎的舖頭,廚房也沒空位休息。(吳煒豪攝)
+1

生意難做,這間餐廳只有200多呎,廚房是企兩三個人都逼到無法移動。舖面以外,員工也惟有到商場外的後巷吃,「唔通叫staff去後巷坐喺地下食咩?」Derek說。當然有人留言問,為什麼要叫外賣,不直接到旁邊的食店用膳,老闆就嘆道,人手不足,難以負擔舖店個幾兩個鐘沒人當值。

問到有否擔心因為這次風波影響生意,Derek聳聳肩說,這不是他第一次受批鬥,他也早已被相關素食群組「踢」走。是次有素食者投訴舖面有員工食肉,亦有不少網友幫忙「回帶」,重溫去年cafe第一次「受審」。

收舖後煮肉食被公審

「唔通叫staff去後坐喺地下食咩。」Derek說。

去年11月,有人投訴東廣場美食天地(即Veggie Cafe營業的所在地)有三分一食肆是「無牌」 ,媒體紛紛來拍片報導,美食天地餐廳的人流因而大減,Derek的生意驟減三四成,晚市幾近拍烏蠅。恰巧有朋友問Derek借用廚房在關舖後煮葷食,他為平衡開支就答應了。

後來兩個熟客得悉此事,先在whatsapp告知素食朋友,最後當然鬧上素食群組。那次Derek雖然道了歉,不過他無奈道:「咁我冇理由睇住生意咩都唔做。我最後都有妥協,我只係覺得使唔使咁呀?」他說,尊重素食者的宗教信仰和習慣,因為其餐牌上亦設有無五辛菜式(大蒜、蔥、蕎頭、韭菜、洋蔥),但他接受不了的,是部分人的道德潔癖與自相矛盾,他說:「啲人可以有兩面。我收工煮肉、員工食肉就批鬥我,但有人提出去酒樓、茶餐廳冇素食提供,就話人唔啱;又不斷話麥當勞話冇素包,又有大把人撐講嗰個人,照道理,麥當勞有成陣肉味,佢哋應該嘔咗先啱喎。」

不過,Derek覺得只有極少數人是所謂的「素食塔利班」,他以兩次被網絡公審經驗為例,每次對生意的影響不大,他忍俊不禁道:「反而多咗人喎,你慢慢發覺,個群組有五萬人,來來去去都係得幾班人鬧你,其實有四萬幾人都係正常咁食素。時不時都有人喺個group度話,嗰度係監人食素,不斷挑剔人。其實個group大部分都係放吓自己煮素啲相上去,冇乜特別,本來就應該咁,係慢慢變咗公審呢樣嗰樣。」

【區區有明哥】荃灣小店月派2400個飯盒 新加坡老闆:冇諗成本

有段時間生意低迷,餐廳有secret menu提供肉食。自此之後,就被不少素友black list。(吳煒豪攝)

素食新手兩面不是人?

自聯合國糧農組織(UNFAO)於10多年前大力提倡後,世界各地積極響應,素食主義在全球大行其道,例如歐美國家有"Meatless Monday",香港就有環保組織Green Monday的「無綠不歡星期一」。佛教雜誌《溫暖人間》每年都會統計全港素食店,數量由4年前的148間,升至2016年的229間,增幅達五成五。據Green Monday委託市場調查機構Ipsos的調查顯示,香港有素食習慣的人口由2008年的35萬增至2014年的160萬,增幅逾4倍。

每個人素食的動機都不同,有人為了健康,有人為了環保,有人因為宗教或動物權益茹素。儘管素食餐廳愈開愈多,但始終不是主流,在日常飲食和社交上要循序漸進地適應,可惜不少素食「BB班」人士都會跌入兩面不是人的困境:當你開始不吃肉,家人朋友會好奇,有時是出於關心地問,不吃肉怎會夠營養?將所有身體的毛病都歸咎於改變了飲食習慣,吃飯時要為了你要東就西就;然而素食圈子又會批評你未能完全吃素,例如吃盆邊素是「齋口唔齋心」,記者也試過問到底在一般餐廳找素食有什麼貼士,立即有網友撲出來指責,為什麼要去煮過肉的餐廳?也試過在純素者面前吃蛋喝奶,聽到這樣的說話:「我沒有要求其他人跟我一樣不吃蛋奶,只是其他人忘記不了蛋奶的味道。」

Jamie Oliver都被批鬥

英國名廚Jamie Oliver說:「這些人心中只有吃肉與不吃肉,完全沒有中間緩衝的過程。」(龔嘉盛攝)

被苛刻素食者批評的,何止是Derek或小記,大名鼎鼎的英國名廚Jamie Oliver早前接受《Sunday Times》雜誌專訪時表示,他因推廣以人道方式屠宰家禽,例如他示範宰雞的方法,用電棒電暈雞隻,然後用插嘴方法放血;香港的雞販則會拔去雞頸的毛,橫頸一刀放血等死。但Jamie Oliver此舉惹來素食者不滿,「這些人心中只有吃肉與不吃肉,完全沒有中間緩衝的過程」,他說。因為推廣以人道方式屠宰家禽,最近常常有人到他旗下的餐廳鬧事,例如在一些小朋友吃肉醬意粉時,用平板電腦向小朋友展示屠宰動物的照片。今年3月,他在電視節目上推廣「快樂牛奶」(happy milk)後,有素食者在他旗下的餐廳抗議。

推廣素食 vs 推廣素食者

就著素食界的是是非非,一個分享素食煮食心得的專頁「藉著GreenTaste說愛您」的版主撰文寫道:「我最初開此專頁時,已刻意不用『素』字作名稱,就是怕惹上了一眾素食忠粉過來挑剔小弟吃蛋奶;不過用了Green字,原來又曾惹來環保份子批評小弟用易潔鑊、飲有包裝植物奶和果汁而不是自己搾、甚或到用即食餐具的餐廳進餐。」版主主張「推廣素食」,而不是「推廣素食者」。他認為要令素食變得common(普及),首先要有common Ground(共同點),「大家從不同高度的高地放下身段走下來踏上這塊Common Ground,本身就意味著降低要求;但別誤會是要降低自己的要求,而是要降低自己對別人的要求!......我們又有什麼人有資格要求別人和自己一樣呢?素食者有種責任叫做謙卑,就是不要過度放大自己,最後不自覺地成為素食文化發展的絆腳石!否則,素食主義便會成為另一把屠刀了!嚴格素食者只會要求自己;苛刻素食者才會要求別人。」

參考文章:

【嚴格素食者 vs 苛刻素食者】

取自:https://greentasteforlove.blogspot.hk/2017/11/vs.html?m=1