網戀騙子送廉價水晶鏈 圖換昂貴「生日禮物」 港女一招識破賤男
港女本想網上尋愛，卻不幸遇上愛情騙子。民主黨深水埗區議員袁海文指，近月接獲多宗網上情騙求助個案，騙徒以自己「生日」為由，要求女事主送昂貴禮物。有苦主不慎「中招」之後猛然驚醒，即場窮追猛打要求騙徒出示身分證證明生日日期，以一招拆穿謊言，並成功追討部分金錢，減低損失。
騙徒扮孝順顧家 送手鍊搏好感
網上交友平台種類繁多，但用家尋找真愛時亦要時刻保持警惕，慎防被騙感情兼騙財。受害人S小姐於今年4月透過WeChat認識涉事「賤男」，聊天期間對方不斷展示其孝順、顧家一面，一周後便相約S小姐到銅鑼灣時代廣場見面。
S小姐指，男方見面時即送粉晶鏈，稱與媽媽一起購買：「話約咗個好重視嘅女仔，跟住就話自己今日生日，叫我買西裝做禮物，當時我唔知點辦，因為佢已經將手鏈戴落我度。」其後對方帶S小姐到H&M，購買約2,000元的外套、恤衫和褲，「佢強調只能用現金或EPS俾錢，跟住自己就行到好遠，好似想避開CCTV。」
S小姐窮追兩小時 取回部分款項
對方獲得生日禮物後，即開心表示要請S小姐「食餐勁」慶祝：「佢帶我食上海嘢，埋單時見到係百零蚊，覺得又話請食好嘢？點解會係百零蚊？」她續說，其後對方訛稱要會公司處理事務，著她搭港鐵離開，「我就更加懷疑佢係呃人，叫佢拎身分證證明今日係佢生日。」
對方當場拒絕，並「攬實」生日禮物，及後又稱身分證放在私家車內，於是S小姐跟對方從銅鑼灣步行至灣仔取車：「佢之後4點、6點都約咗人，應該都係要呃人，見我一直追咗兩個鐘，先話俾返千零蚊我。」
有相同遭遇的L小姐則於5月透過社交平台2D，認識另一「賤男」，並相約在旺角家樂坊見面，男方送給她聲稱過千元的「水晶蜜蠟手鏈」後，即表示當日為其生日，並帶女事主到H&M購買三件西裝作回禮，「每件近3,000蚊，但我唔夠錢就話只買一件，佢叫我到銀行㩒錢，再到好少人嘅公園交收，我覺得好似搞到毒品交易咁神秘。」她即有感被騙，但仍決定交錢予對方，「我俾咗錢咁先叫成立有騙案，之後我係各大討論區收集資料，發現騙徒至少有3、4人，似係集團式。」
騙徒借故取走手機 刪行騙對話記錄
袁海文表示，今年首6個月已接獲25宗網上情騙求助，受害者有男有女，年齡介乎20歲至40歲不等，被騙金額由2,000元至15.3萬元，總金額高達75萬元，當中9宗個案涉及「生日禮物」陷阱。他指，騙徒聊天時均會展示顧家、孝順一面，更稱家人患病需要照顧，以博取苦主信任，約會後會以送生日禮物，及推銷美容院或教育公司產品的手法，獲取利益，「佢哋講生日嘅嘢都係一樣，會講咩安排咗『開心三部曲』，肯定開心啦，又食又拎。」他續指，騙徒會以「抄牌」藉口取得苦主手機，便刪除對話記錄，事後再安排其他人將禮物退貨退款。
袁海文坦言，過往不少苦主不忍再受二次傷害，未有報警，加上該類騙案舉證困難，令騙徒仍逍遙法外。他指，希望更多苦主能勇敢站出來，並呼籲市民小心使用交友程式，提防手法變幻的情騙手法，勿因渴望尋覓伴侶而降低戒心。
