【逃犯條例】林正財:林鄭月娥6.9遊行前早有歉意 目前無意辭職

撰文:李福源
出版:更新:

政府2月推出修訂《逃犯條例》至今遇上大量反對聲音,雖然特首林鄭月娥周六(15日)宣布暫緩修訂《逃犯條例》,但民陣對政府「只緩不撤」表明不收貨;行政會議成員林正財周日(16日)接受有線電視電話訪問表示,林鄭月娥早於上周日(6月9日)的遊行前已經有歉意,目前無意辭職。

連續第二個星期日有大批市民上街,要求撤回《逃犯條例》修訂。 

行政會議成員林正財表示,林鄭月娥早於上周日的遊行前已經有歉意,他說:「佢絕對唔係呢一刻先至道歉,亦都絕對唔係見到有咁多人上街先至道歉,其實佢之前上個禮拜喺遊行之先,佢已經覺得今次真係好多嘢處理得唔好,佢自己係有錯判個形勢;作為一個地區首長,亦都唔係話真係想道歉就可以即刻企出嚟道歉,佢考慮既因素都好多。」

深切反省令施政不再「離地」

林正財相信林鄭月娥目前無意辭職,但會深切反省,令施政不再「離地」。他謂:「以我認識既林太佢好有責任感,我絕對相信佢續繼希望係嚟緊呢三年裡面,帶領佢既團隊繼續努力,講得俗啲就係唔好咁離地,真係能夠貼到巿民嘅心。」

林正財坦言:「如果有時光機嘅話,我相信佢絕對唔會做呢件事啦,喺呢個時候。」

+4

政府周日晚發聲明稱,已停止立法會大會對修訂《逃犯條例》的工作,希望藉此可讓社會盡快回復平靜和避免任何人受到傷害,重申並無重啟程序的時間表。新聞稿又謂,特首承認由於政府工作上的不足,令香港社會出現很大的矛盾和紛爭,令很多市民感到失望和痛心,特首為此向市民致歉,並承諾會以最有誠意的態度接受批評。