【世界盃・有片】雙牙大戰掀高潮 球迷拍住拖商場睇波
撰文：鄧海興 賴南秋
出版：更新：
「2018俄羅斯世界盃」首場東道主俄羅斯狂數沙特阿拉伯5球，彷彿已預告今屆世盃將會高潮迭起。堪稱最強分組賽的「雙牙大戰」於今日（16日）凌晨2時開波互攻，雙方勢均力敵，而萬人迷C朗拿度更是焦點所在，逾百擁躉到觀塘APM商場睇波，不少人面上印有愛隊國旗、揮著旗仔、敲響噹噹棒，現場氣氛熾熱，當中不少都是支持實力較平均的西班牙。
逾百球迷往apm商場睇「雙牙大戰」，氣氛熱烈。（賴南秋攝）
商場湊下熱鬧！入波啲人一定叫哂！
阿傑阿心拍住拖睇「雙牙大戰」。（賴南秋攝）
阿傑與女朋友阿心認為商場氣氛較好，「拍住拖」睇波，兩人指自己雖然並非足球狂熱份子，但今次聽聞「雙牙大戰」猶如預演準決賽般精彩，「商場湊下熱鬧！入波啲人一定叫哂！」而他們沒有特別支持哪一隊，但希望巴西奪冠，「巴西啦！上屆巴西咁慘畀人數（四強賽1：7慘負德國）」。
梁氏父子在父親節前夕一同睇「雙牙大戰」。（賴南秋攝）
父親節前夕，已為人父的梁先生認為「雙牙大戰」必定精彩，在商場一大班人睇氣氛會較好，遂帶同兒子一同前往感受氣氛。父子二人同樣是球迷，今年復活節更一同遠赴日本睇J-League，今次他們同樣支持西班牙，但最終希望阿根廷奪冠，「鍾意美斯！唔好再做亞軍廷！」
商場氣氛好嘛！又可以一齊嗌！
麟仔認為西班牙整體實力較平均。（賴南秋攝）
支持德國衛冕的麟仔，在「雙牙大戰」中較睇好西班牙，他為免影響家人改到APM睇波：「商場氣氛好嘛！又可以一齊嗌！」他雖然喜歡葡萄牙的C朗拿度，但認為西班牙整體實力較平均，「西班牙個個都有世界級實力，但葡萄牙得C朗一個人頂，孤掌難鳴，比較難晉級！」他又指本身喜歡意大利，可惜無緣決賽周，故轉而支持上屆盟主德國，「想德國冧莊嬴多次！」
+1
逾百球迷往apm商場睇「雙牙大戰」。（賴南秋攝）
