【卓林欠租】偕妻窩居旺角賓館 欠租五日身餘廿蚊 房東報警逐客
吳綺莉與成龍的19歲女兒吳卓林，早前與外籍網紅妻子Andi返港後，入住旺角新填地街一間賓館近一個月。豈料本月9日起，二人疑彈盡糧絕，拖欠五日房租，賓館管房職員多番催租亦無果。昨晚（13日）卓林身上僅餘20元，向職員坦承無錢，直言「晚飯都無着落！」最後賓館東主親自出動收租，豈知一開門見到租客，即言「唉呀！原來係成龍個女」，遂報警求助。卓林母親吳綺莉最終答應代女繳清租金，解決事情。
唉呀！原來係成龍個女
我哋做呢行，無咁快出糧嘅，我哋做一次就有一次錢，無就無（錢）。
記者今早到該賓館了解詳情，早更管房May姐聞言直指，卓林與外籍網紅妻子Andi於上月尾入住賓館，並向職員表示欲租住一個月，房租每日450元。二人起初仍準時交租，但本月9 日起卻開始拖欠房租，直至昨晚一共拖欠2250元租金。Ｍay姐坦言，平日甚少留意娛樂新聞，根本不知對方是卓林。
管房職員多番催租無果 卓林解釋：「做模特兒，無咁快出糧！」
May姐直言，「一見到佢就追（租）啦！」早夜更管房職員曾三番四次催促二人交租，但卓林卻一直推說「聽日先俾」，她當時解釋二人做模特兒，收入不穩定，「我哋做呢行，無咁快出糧嘅，我哋做一次就有一次錢，無就無（錢）。」
老闆唔出糧 卓林僅餘20元：今晚個飯都無着落！
Ｍay姐指，管房職員已算通融多日，卓林曾指老闆尚未出糧，一度建議以支票方式付款，惟始終未有行動。昨晚卓林更直言「老細唔肯出糧啊，今晚個飯都無着落！」職員聞言也相當無奈，卓林隨後答應職員，會問朋友借錢繳清租金，但最終不了了之。
賓館東主：「唉呀！原來係成龍個女」
直至昨晚（13日）夜更管房職員見收租無望，唯有致電賓館東主交代事情，東主聞訊後親自收租，一瞥之下認得眼前人就是卓林，「唉呀！原來係成龍個女」，遂即場勸卓林繳清尾數，但卓林當時身上僅有20元，東主見狀惟有報警求助。警員接報到場了解情況後，再次勸籲雙方解決房租事宜，並叫卓林與家人聯絡。據知，卓林的母親吳綺莉與賓館東主通電後，願意繳清房租，事後卓林與妻子Andi離開賓館。她們離開後，遺下一個行李篋、電腦及一些垃圾。
May姐形容，卓林入住期間行為頗為奇怪，二人自稱為硬照模特兒，但卻足不出門，不似有工作。而且長期留在房中用電腦，至下午才出外用饍。May姐更直言二人租住多日，搞到房間污糟邋遢，她今日8時起清潔，直至10時許才打掃完畢，並清出一大袋垃圾，而卓林亦遺下一個粉紅色行李箱在房間。
卓林近期instagram分享的圖片
