元朗男司機被指冷血撞死狗　街坊一度包圍理論

元朗發生「奪命車禍」。周五（28日）晚上，一名男子於朗善邨對開放狗期間，愛犬慘遭一輛私家車撞斃，有途經街坊怒批涉事司機冷血，在意外後接連再撞已重傷的狗狗，更企圖不顧而去，一度包圍司機理論，驚動警方到場，最終狗主與司機達成共識，私下解決。惟事件其後在網上瘋傳，引發熱議。

事發於昨晚10時許，一名33歲男子沿友善路一帶放狗，途經朗善邨善勇樓對開馬路時，愛犬遭一輛私家車撞倒，當場重創倒地，奄奄一息。狗主立即報警，惜相關人員到場後，證實狗狗已明顯死亡。警方表示，狗主與57歲男司機其後達成共識，私下解決事件，其後通知愛護動物協會到場將狗屍檢走，案件列作「交通意外—無人受傷」處理。

事後有街坊在網上聲討涉事司機，表示多人目擊該名司機在意外後「仲要再車多幾下」，又指該司機反駁「咁我唔知撞到佢，無心碌佢幾次囉！」據網上片段可見，有人包圍司機理論，一名男子炮轟涉事司機：「你話正常呀？你返屋企拎隻狗過嚟，我車X死佢！」在場其他人亦狠批：「撞到（狗）大家都唔想，佢（司機）態度太囂張喇！」有女途人亦稱：「我喺後面架車見到佢真係再車多一次㗎！」