發掘未知領域  YouTuber Julien Solomita紋甚麼?

撰文:Veron
出版:更新:

在YouTube上有數百萬名訂閱者的Aries Kitchen,主持人Julien Solomita煮的不是令人垂涎三尺的美食,而是混亂加上創造力的「食物」,一路走來,始終如一,他說︰「確保每道菜統一嘅關鍵,材料係可愛、有趣、無法無天,即係獻醜亂咁嚟!」他的烹飪系列每周點收看率都很高,尤其在疫症蔓延之下。

Julien Solomita鼓勵大家做一些不熟悉的事情。(Inked Magazine)

Solomita自認小聯盟廚師(minor league chef),「我係活生生例子,你不必擅長於某些東西,但人哋就係想睇。」解釋一下,美國職業棒球小聯盟,即Minor League Baseball,此制度為大聯盟賽事作準備,為「學神」、「P牌」球員提供發展機會。

廚具代表著他成長的其中一個階段。(ig︰juliensolomita)

成為YouTuber之前,Solomita是大學生,在電台工作,學習電視製作 ; 然後,製作網上視頻令其人生翻天覆地,「起初,我對互聯網一無所知,後來同而家女朋友(Jenna Marbles)約會,當時佢喺網上已經好出名。」喜劇演員Marbles也是網絡紅人,曾是YouTube最大的女性頻道,「佢改變咗我對媒體嘅睇法,意識到非傳統烹飪節目,係有市場嘅 ; 我可以將自己喺電台學到嘅專業技能,轉攻網上領域。」

熔岩蛋糕、雞肉三明治⋯⋯最大迴響是製作giant aries 曲奇的視頻,「從來冇諗過成為焦點,即使到呢一刻結束,我都好滿足!」他分享生活日記,「大家都喜歡亂七八糟嘅廚房,喜歡我嘅冒險,見證我成長嘅過程 ; 其實大家都有能力做一啲唔熟悉嘅事情,好似我咁,嘗試喺屋企創造從來冇食過嘅食物,get到未?重點係過程,而唔係食物本身。」

原來,Solomita也是紋身愛好者,手臂上刺青,都有故事,「去年生日去咗搵Louie Perez,圖案係我常用嘅廚具 ; 我真係一個廚師嚟㗎,但我冇你阿媽廚藝咁叻。」他和女友一同刺上松樹,「佢係我精神嚮導,團結比單打獨鬥更有趣。」還有思樂冰紋身,「細個嗰陣,我同Brandon、Andrew會喺7月11日嘅7點11分去到7-11 ; 呢個特定日子,7-11曾經向所有人免費贈送思樂冰!」後來Brandon不幸逝世,「我用紋身紀念友誼同傳統。」