【情侶裝】𡃁妹X怪叔叔中和成絕配的一對:思想唔夾外表襯都無用

撰文:黃漢兒
出版:更新:

「夾」、「襯」總與關係緊扣,人們相信,只要是夾又襯的二人,方能在一段關係完滿彼此。如果相信衣着能反映性格,那麼情侶或是夫婦間的穿搭,又會呈現一幅甚麼質感的晝面。

Sunny:Youtuber

Creamy:演員

二人交往兩年

有觀看Youtube習慣的人,相信對SunnyCreamy並不陌生,他們的頻道擁有超過二十萬Followers,亦不時在熱門榜上看到其影片。訪問當日,二人共同以彩色為主調,紅與綠作對比點綴。她說在認識他以前,衣櫃裡的衣服不是藍,就是白色。遇見他,不僅穿著變了,個性和生活,亦漸漸添上更多色彩。

因為Sunny正預備做矯視手術前的檢查,一星期不能戴眼鏡,有八百多度近視的他,連下車過馬路也有困難。訪問當天,Creamy一直牽著他,還不時問說:「你望唔望到前面?」(鄧倩瑩攝)

第一個主動追求的女朋友

Sunny原是個Rapper,Creamy則是演員,也有在CapTV出鏡,故二人早已得悉對方的存在。而真正的了解,卻是在「直播事件 」之後。「當時覺得佢好慘,於是喺佢嘅片度留言,睇吓有咩幫到手。」Creamy坦言。因為當初他們在Youtube上仍在起步階段,便決定一起拍片。本來只在龍華軒拍一條試食意粉的片,Sunny卻以「好掛住啲意粉」的理由,經常上去找她。一個多月後,他們就在一起了。

問及是不是對方的理想型,她直言:「佢無可能係自己鍾意嘅,我鍾意文青同鹽系男仔。」他卻毫不猶豫地說:「係呀,我鍾意可愛類型。我以前從未追過女仔,佢係我第一個主動追嘅女朋友。」

他卻毫不猶豫地說:「係呀,我鍾意可愛類型。我以前從未追過女仔,佢係我第一個主動追嘅女朋友。」(鄧倩瑩攝)

對方穿得最不好看的一次:

Creamy:「第一次見面,全身supreme,supreme羽絨同帽。」
 

對方穿得最好看的一次:

Sunny:「第一次見面,佢著住黑白色碎花裙,覺得好似仙女下凡咁。其實都唔關著咩衫事,哈哈。」  

Creamy:「《癲狗》MV件大褸,因為佢身型夠瘦,著得好好睇。」

最想扔掉對方衣櫃裡的一件衫:

Sunny:「美芝嘅衫,因為成日覺得係有死人著過,有陣Up味。」

Creamy:「一件好似拜耶穌嘅衫,好MK!」

更多Sunny與Creamy的日常合照:

+8

【情侶裝】俊男美女自覺非對方 理想型 拍拖後堅持襯過先出街

【攝影情人】用鏡頭談情 陽光加持 拍出戀愛中的驚喜

Creamy:「佢係最欣賞我嘅人。」

一起生活,一起工作,連朋友都笑說他們是「魔術貼情侶」,彷如一人的共同體。外型上,本來她覺得沒有很配,一個「𡃁妹」,一個「怪叔叔」。可日子久了,旁人不停說著,漸漸她也覺得合襯。不僅衣著上的影響,性格都「中和」了。她變得敢言,他學會收歛,「我從前唔會鬧人,觀眾就係要錫。佢話我知,我哋唔係服務緊人,有唔公平都要講出嚟。」Sunny補充著:「我以前睇唔過眼就會好激動,依家佢會阻止我。」

她說他做過最浪漫的事,就是在生日做了一本支票簿。「因為我以前編過一個劇,講人們成日開空頭支票,我唔鍾意人講一套做一套。感動位在,我無諗過遠古時期事嘅都記得。」(鄧倩瑩攝)

她亦在他身上學會了自信,「因為佢有好多才華,就算人哋唔支持,佢都知自己有幾多。但我會不斷質疑自己,又矮又唔係特別靚,講嘢唔叻。佢會諗,一個人仲可以做到幾多。」在旁的Sunny堅定地看她:「我由第一日就同她講,唔好無自信!」Creamy甜蜜回應:「係呀,因為佢係最欣賞我嘅人。」

關於衣著的難忘事: 

Creamy:「就係尋晚襯衫,佢一嚟就著件好似龍袍嘅外套,仲有新買印咗周潤發嘅Tee。我望到時嘩一聲,我要點襯你呀,我一件黑色衫都無!」

最後,他們花了一個多小時才選好。

覺得對方能穿一輩子的衣服:

Sunny:「無一套衫可以著一世,因為你形象好百變。」

Creamy:「你設計嘅衫。」

+8
「如果思想唔夾,外表更襯都無用。」
Sunny

思想上最合襯

問及二人覺得最合襯的地方,他們說是思想。Sunny笑言預備訪問時已經綵排好:「話畀人聽我地做人宗旨係咩?」Creamy馬上「軍人」上身:「真誠待人!將最真一面展露界人睇。人對我好,我哋就要對人好一倍!諗到就要即刻做,但都要部署好,押韻添。」

用三個形容詞形容對方:

Sunny:「醒目、有想像力、有創意、煮嘢好食、可愛、靚。」

Creamy:「有才華、有魅力、好人。」

姊弟戀90後IG當愛情拆彈專家 吵著放閃感情保鮮

【情侶裝】同是設計師的超型格組合 難忘最美初約會:刻意卻低調

《女生》總在你身邊,請立即下載《香港01》App