【溫多娜手記】尖沙嘴開清酒吧 祥益太子爺：唔擔心示威影響生意
撰文：溫多娜
出版：更新：
本港經濟步入技術性衰退，受社會運動影響，零售業同埋餐飲業生意大受打擊，特別係示威影響地區。不過，祥益地產創辦人汪敦敬囝囝汪廷謙（Chris Wong）就一於冇有怕，首次創業就揀正響尖沙嘴開設清酒吧。
汪廷謙嘅清酒吧「Sake Moment敬酒」響10月24日開張，店舖位於新世界（0017）旗下尖沙嘴商場K11 MUSEA。對於商場或因示威而要關門，可能會影響生意額，汪廷謙就話唔擔心，因為商場新開張，已經預計需要時間「warm up」，店舖生意合符預期，而商場就暫時未有提供減租或補貼俾租戶。
「Sake Moment敬酒」投資額約600萬元，
汪廷謙說未有為餐廳訂立太高的營運目標，目前
汪廷謙透露，店舖投資額約600萬元，入酒已經佔咗約200萬元，「不惜工本去推廣日本清酒文化」，目前店內提供過百款佳釀，包括清酒、果酒、威士忌等，更全數引入年產限量120枝的鍋島純米中吟釀（鍋島米）。另外，亦有駐場唎酒師為客人介紹清酒，同時因應菜式幫忙配對清酒。