施永青:貿易戰致股市下滑 惟聯儲局減息 樓價難大跌

撰文:賴啟燊
出版:更新:

中原集團創辦人施永青認為,受中美貿易戰影響,本港股市會出現下行,不過美國很大機會減息,長遠樓市會慢慢緩步向下,但不會大跌。施永青指,由於年初市場預期中美貿易談判成功,所以樓價「升咗一個階段」,不過結果不成功,美國總統特朗普更加大力度,企圖逼使中國讓步,令目前情況僵持。他指,不穩定情況陸續於樓價反映,由於前景不明朗,令買家入市的信心受到衝擊,「最近交投減少,對市場多少都有壓力,買家入市遲,要賣出好價錢就難,業主心急可能會減價,呢段時間樓價會略為下調。」預期中美「傾唔掂數」 將持續長時間他指,中美雙方都有談判成功的需要,形容「雙方都行過咗少少龍」,美國經濟亦會受到影響,不過認為依目前形勢,美國有所得著,包括中國承諾開放金融及保險市場,並進口更多美國貨品,認為特朗普可以「袋住先」,不過他認為兩國會「傾唔掂數」,雙方一定要爭「盟主」地位,貿易戰將長年持續,「分分鐘十至十五年,不過兩國會鬥下、休息下」,「之前緊張咁耐,大家都『噏』大咗,美國一定唔會再徵收3,000億貨品關稅,『嚇鬼』,緊係留返啲籌碼喺度,你『鋤大DEE』都唔會第一輪就打晒啲『DEE』。」他認為中國將會需要讓步。

施永青認為中美貿易戰將持續一段長時間,對樓市的影響逐步浮現,不過樓市不會大跌。(賴啟燊攝)

預期美國將會減息他認為經濟前景不明朗,美國有機會減息,若美國經濟增長不足2%,特朗普將會「鬧聯儲局」,「奧巴馬做總統你就不斷減息,我做總統你就猛加息」,認為利率有機會向下,資金將流入資產市場。由於減息,即使中美貿易戰前景不明朗,樓價亦不會大跌。他指樓市於5月開始下行,不過變化尚未反映出來,「呢個禮拜開始見頂,CCL會慢慢緩方向下,唔會好急,喺高位爭持,始終市場盤唔夠。」