【八步半喜怒哀樂】林敏驄新戲要蘇麗珊拍床戲 ︰佢要扮床我扮被
撰文：吳子生
出版：更新：
由香港著名導演泰迪羅賓執導的電影《八步半喜怒哀樂》，昨晚（23/10）在銅鑼灣舉行群星首映禮。電影中有4個單元，其中一個單元講述一身奇裝異服的蘇麗珊（Cecilia），晚上乘坐由林敏驄所駕駛的巴士，並產生一連串怪事。Cecilia表示：「好高興認識到驄哥，今次係首次與驄哥合作，成個氣氛覺得好正好開心，就好似我哋個主題個『樂』字咁好玩，同佢做對手戲，佢會經常爆肚，搞到我都接唔到。」
Cecilia一知道要孖住林敏驄做訪問，忍唔住爆句：「我好驚呀。」（黃國立 攝）
林敏驄又發揮搞嘢本色：「我同佢識咗都冇下文，依家就當面出通告叫佢嚟我套新戲《如珠如寶》客串吓，仲有幾日就拍完。」（咁安排佢做咩角色？）「梗係拍床上戲，佢嘅角色就係做張床，我就做張被，壓住佢咪得囉。」旁邊Cecilia就話：「做張床有冇對白？有冇發揮空間㗎？」
驄哥話：「床邊有對白㗎，只係演內心戲，發揮空間就大啦，你會做一張會郁嘅床，仲要係電動嘅，郁呀郁呀郁呀⋯哈哈。」Cecilia表示：「咁樣要交俾經理人傾吓。」
林敏驄笑言《八步半》兩年前拍攝，套戲講乜都唔記得。（黃國立攝）