為9月選舉打氣？ 台片《逃出立法院》官員變喪屍議員出力打
撰文：許育民
出版：更新：
9月香港立法會換屆選舉，為爭取35+，早前泛民舉行初選，以增加取勝機會，可以預期今屆的戰況將會比上年的區議會選舉更激烈。事有湊巧，原定7月上畫的台灣電影《逃出立法院》，疫情關係改到9月先上，而正正就跟香港立法會選舉撞期，咁睇法會唔會投入啲？
賴雅妍飾演女立委，一次意外被逼辭職，但就借另一政治素人重返議會。（《逃出立法院》劇照）
由禾浩辰飾演的立法院大打雜王有為，在一次立會衝突中，害到出名辛辣的女立委熊穎穎（賴雅妍 飾）被辭職！熊穎穎為了繼續自己的政治理想，居然退居幕後，要求王有為以政治素人身份參選，神奇地又被他選上，不過就在返工第一，立法院意外爆發出化工廠流出的活屍病毒，立委高官個個互咬變成喪屍。兩人一上任第一件事唔係開會係打喪屍，到底最終走唔走得出立法院？
+2