宋仲基夜襲弘大被尖叫聲嚇親 《軍艦島》再公開新劇照
撰文：鄧樂宜
出版：更新：
宋仲基昨晚現身弘大錄節目，現場粉絲多到場面幾乎失控！（網上圖片）
宋仲基人氣真係幾時都咁高！最近宋仲基宣布與宋慧喬結婚，不過男神封盤並不代表粉絲們以後都冇得見男神，因為宋仲基近日四出宣傳新戲《軍艦島》，昨晚更走到首爾弘大街頭錄影《演藝家中介》的《游擊隊約會》！
宋仲基與《演藝家中介》主持合照。（網上圖片）
弘大即使平日晚上都是人頭湧湧，這晚宋仲基突然現身，還站在街邊接受主持採訪，可以想像在場的粉絲有多瘋狂，「宋太太」們的尖叫聲更嚇到宋仲基掩嘴笑！雖然現場情況十分混亂，但宋仲基依然笑容滿面，不但與主持試食街邊檔，還與粉絲攬住合照，更摀低身幫粉絲簽名，貫徹親民作風。
有粉絲突然放聲尖叫，嚇到宋仲基掩嘴笑。（網上圖片）
為滿足粉絲要求，宋仲基要彎下腰借粉絲背脊簽名。（網上圖片）
更多宋仲基弘大現場照片：
另外，《軍艦島》今日公開了朴武英（宋仲基 飾）和崔七星（蘇志燮 飾）的未公開劇照，兩人雖然繼續全身「烏捽捽」做礦工，但依然無減帥氣！《軍艦島》將於8月10日在香港上映。
《軍艦島》今日公開了新劇照。（網上圖片）
更多宋仲基及蘇志燮《軍艦島》劇照：
有粉絲拍下宋仲基在弘大錄製節目時的墟冚情況：
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/