《當你沉睡時》首播！ 超自戀秀智當李鍾碩係搭訕男？
撰文：鄧樂宜
出版：更新：
《當你沉睡時》今晚首播，秀智遠遠看到「夢中的男人」李鍾碩向她走來，即時裝蒜扮唔關心。（網上截圖）
由李鍾碩、秀智@miss A主演的SBS韓劇《當你沉睡時》，真係由今年年頭開始就期待，等到今晚9月27日，劇集終！於！首！播！《當你沉睡時》講述一名檢察官遇上能夢見未來的女孩，聽上去就已經好奇幻又好浪漫吧？不過原來李鍾碩和秀智在《當你沉睡時》中的初次相遇一點也不美麗，更係非常丟臉！
如果現實中李鍾碩咁樣向大家行過嚟，莫說是秀智，應該冇乜邊個hold得住！（網上截圖）
李鍾碩一屁股坐低喺秀智隔籬，令秀智自我感覺良好以為李鍾碩想搭訕！（網上截圖）
《當你沉睡時》李鍾碩上門送糕嚇親秀智 親密照曝光李敏鎬嬲豬？
《當你沉睡時》劇組在開播之前，率先公開李鍾碩和秀智的相遇片段，當中秀智坐在巴士站等車，這時李鍾碩超帥氣向她走來，秀智即時緊張地自說自話：「夢裡見過的那男人，淡定！淡定！我對他毫不關心，係完全唔關心！」想不到李鍾碩更坐正秀智旁邊，而且巴士站明明就有很多空位！以為李鍾碩想搭訕的秀智扮冇嘢坐過一格，誰知李鍾碩黐實秀智又坐過一格，「證據確鑿」之下秀智心諗：「呢個唔係我妄下定論，亦唔係我自戀！」最終認定李鍾碩是想搭訕，於是大聲同李鍾碩講：「我對你一啲都唔關心！」點知原來李鍾碩根本不是想坐在她旁邊，而只是想讓座給幾位女學生，這一次秀智真係好尷呀！
原來李鍾碩只係想讓位給女學生，秀智今鋪在《當你沉睡時》真係𤓓到爆啊！（網上截圖）
更多李鍾碩、秀智《當你沉睡時》圖片：
+22
李鍾碩怕《VIP》恐怖微笑影響同秀智愛情戲 自責公開彈YG惹麻煩
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/