朴敘俊預告香港見面會有驚喜 不捨好兄弟姜河那入伍
撰文：鄧樂宜
出版：更新：
東萬呀東萬呀！《三流之路》入面嘅「東萬」朴敘俊，今晚就要喺香港舉行第一個亞洲巡迴粉絲見面會《2017 朴敘俊 PARK SEO JUN LIVE “GUESS WHO?” IN HONG KONG》香港站喇！其實朴敘俊今早就已經先行飛到香港準備，而喺香港站見面會開始之前，朴敘俊今日下午就先在酒店舉行記者會，預告俾大家知今晚有咩精彩演出！
張穎倫攝
朴敘俊一現身就向大家送心心，認真識做。
着住樽領黑衣配卡其色西裝的朴敘俊，一踏上台就露出殺人微笑同在場記者打招呼，又擺出心心甫士俾傳媒影相，更應記者要求同backdrop上的自己「合照」，暖男好nice呀！
朴敘俊提到好兄弟姜河那已經入伍，可惜未有更多相處時間。
（觀看更多） 朴敘俊是那個BTS防彈少年團偶像? 《青年警察》拍姜河那鬥宋仲基
朴敘俊記者會上欲言又止地預告今晚會有驚喜，不過到底會有點樣嘅驚喜，他就大賣關子笑說：「呢個好似唔講得！」十分可愛！除了宣傳自己今晚的見面會，朴敘俊又提到與他一齊拍攝電影《青年警察》的好兄弟姜河那：「同河那拍攝得好開心，不過可惜河那而家入咗伍，未有時間同佢相處更多！」
今晚就係朴敘俊見面會香港站，他預告會有驚喜！
+30
（觀看更多） 朴敘俊、AOA都靠她！ 韓國化妝師江美教路氣墊粉要「分區」上
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/