[朴敘俊香港見面會]完美body的秘密 童年夢想唔係做男神真相是?

撰文:鄧樂宜
出版:更新:

韓星朴敘俊擁有超man嘅六舊腹肌,大家都可能知,而今日朴敘俊來到香港舉行亞巡粉絲見面會香港站,事前他先在酒店出席記者會接受訪問,期間更公開咗「六舊腹肌的秘密」!

攝影:張穎倫

對於國民男友呢個稱號,朴敘俊笑言「太過譽」,仲覺得自己要對呢個名負起責任!
+4

記者會上朴敘俊被問到是為了拍劇才操肌,還是平時就熱愛運動時,他說:「我拍完《青年警察》先拍《三流之路》,《三流之路》入面演格鬥選手,所以要運動更多,平時好似舉重咁嘅練習,我都已經做咗有8年!」係8年啊!唔怪得朴敘俊嘅body咁完美啦!

朴敘俊平時上綜藝做嘉賓都好好笑,但他自言對綜藝不太熟悉,而且有點怕在鏡頭前展露真性情,怕「真面目」嚇親觀眾!
+4

朴敘俊預告香港見面會有驚喜 不捨好兄弟姜河那入伍

提到早前上映的電影《青年警察》,朴敘俊話上次首映未能來到香港同大家見面,覺得好可惜,但見到作品在海外也能有這樣的好成績,他也覺得非常開心!的確,朴敘俊真係拍電影定拍韓劇都一樣好成績,而講到兩者的分別時,朴敘俊就好認真話:「我諗係拍攝角度唔同,電視劇好多時拍上半身,但電影嘅畫面就大得多,需要有好多動作戲。」

+5

《三流之路》朴敘俊辦香港見面會 9月30日「東萬」開金口益粉絲?

咁靚仔咁演得嘅男神,如果冇做演員你話點算呢!不過朴敘俊就話自己童年夢想並唔係做演員:「我細個時夢想成為棒球選手!不過父母支持細佬做多過我做(笑),最後我就成為演員。我宜家覺得好滿足,演戲係我人生中最有趣嘅事,所以覺得要做得更好,我成日都會思考呢個問題!」朴敘俊仲話想挑戰壞人角色,韓劇迷可以拭目以待啊!

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/