《愛情的溫度》梁世宗公主抱徐玄振 快啲鍚落去啦!

撰文:沈洛嘉
出版:更新:
《愛情的溫度》梁世宗同徐玄振幾時先會一齊?(網上圖片)

Timing往往對於愛情嚟講都好重要,徐玄振同梁世宗喺韓劇《愛情的溫度》入面,就好似每每都錯開一樣!「襄王有心時,神女無夢」、「神女有心時,則襄王無夢」,徐玄振同梁世宗嘅平行線,究竟幾時先可以喺同樣時間出現交叉點呢?

《愛情的溫度》中,28歲嘅梁世宗已經學成歸來,更成為一名主廚。(網上圖片)

《愛情的溫度》年下直進男梁世宗超積極 務求攻陷徐玄振姐姐心

今集《愛情的溫度》中,徐玄振終於扚起心肝想同梁世宗和好,甚至更進一步發展,但自兩人分開咗5年之後,梁世宗都已經28歲,而徐玄振更踏入30代的34歲!更叫人婉惜係梁世宗宜家只想專心喺事業方面,就好似當年29歲嘅徐玄振希望專注事業,務求成為編劇一樣。而梁世宗現時亦只想一心打理好Good Soup(梁世宗在《愛情的溫度》中嘅餐廳),希望餐廳可以轉虧為盈,留住人材同投資者。

「年下直進男」梁世宗一下公主抱起徐玄振,超man!(網上截圖)

《愛情的溫度》徐玄振後悔無聽道別電話 梁世宗離開先知愛佢

人生唔同階段中必然有自己嘅目標,20代嘅徐玄振同梁世宗都以事業為目標,但5年後踏入30代嘅徐玄振則開始懷念初初同梁世宗相識嘅日子,喺佢哋分開嘅呢5年間,其實雙方都仲有迷戀!而今集《愛情的溫度》中,本來梁世宗已經拒絕咗徐玄振一次,仲講到:「因為已經錯過一次,所以更加難再開始。」但係咁啱徐玄振喺事業上受到種種打撃如:同導演不和,電視劇收視率差,甚至演員拒拍問題,都令到徐玄振十分氣餒!好彩喺呢個時候有梁世宗陪住佢同安慰佢,而喺徐玄振喊嘅時候,梁世宗更公主抱佢去梳化。唔知下星期《愛情的溫度》梁世宗會唔會順勢鍚埋徐玄振呢?

梁世宗快啲鍚落去啦!(網上截圖)

更多《愛情的溫度》圖片:

+27

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/