韓國中秋節連假開始 《醫療船》收視跌一半都贏《當你沉睡時》
撰文：沈洛嘉
出版：更新：
姜敏赫本來想安慰河智苑，但係倔強嘅河智苑卻話點解我要喺你面前咁狼狽。（影片截圖）
尋日就係中秋節正日，多得韓國總統文在寅派糖韓國仲要放連假！應該好多韓國人都趁住中秋節連假去旅行或者出街玩，應該無咩人留係屋企睇電視，所以尋晚播出嘅《醫療船》都收視大跌一半，創下歷史新低5.5%，不過仍然高過由李鐘碩同秀智主演嘅《當你沉睡時》0.5%，仍然係水木劇之冠。
最後河智苑同弟弟喺便利店到談心事。（影片截圖）
上集講到河智苑的爸爸做完手術之後，拜託姜敏赫@CNBLUE幫佢隱瞞有癌症嘅事實，因為佢買左癌症保險，成功嘅話就可以得到一億五千萬韓圜（約HKD$1,024,500），當然呢筆錢其實都係留比佢河智雲兩姐弟，但就係河智雲爸爸同姜敏赫講個陣就已經比河智苑發現咗，河智雲更係力拒做違反職業操守嘅事，不過就成集都畀呢件事纏繞住，最後仲要跪低去求搶自己功勞嘅教授幫佢爸爸做手術，真係見到都為河智苑心痛！
河智苑最後仲跪低求教授幫佢爸爸做手術。（影片截圖）
今晚《醫療船》就會播出河智苑爸爸做手術的部份，相信佢成功完成手術之後，兩父女會和好如初，而河智苑亦係預告中講出：「我想留喺巨濟《醫療船》上！」都睇得出河智苑日漸對《醫療船》、《醫療船》嘅人同埋喺《醫療船》上發生嘅事留有好多回憶。
更多《醫療船》圖片
+8
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/