【宋宋CP】咁快有BB？ 宋仲基抱B嘔奶相網上瘋傳！
撰文：黎嘉穎
出版：更新：
係呀，又是宋仲基、宋慧喬（宋宋CP）！仲有兩個多星期，宋宋CP就會在韓國首爾拉埋天窗，正式榮升做真夫婦。未知是否已經處理晒婚禮上的大小事，宋仲基同宋慧喬近日好似好得閒，周不時都被捕獲到去拍拖，今日網上又流傳一輯宋仲基抱BB的相片。咪住！早排宋仲基同宋慧喬在法國旅遊時，曾經傳出過宋慧喬疑似大肚，唔通話咁快宋仲基已經榮升做爸爸？一眾宋太們不用擔心，宋仲基其實只在玩朋友的BB，見他父愛泛濫，看來已經作好做爸的準備！
仲有兩個多星期，宋仲基同宋慧喬就榮升真夫婦喇！（網上圖片）
早前宋宋CP去法國玩，宋慧喬就因為肚子微微隆起而起大肚疑雲！（網上圖片）
【宋仲基宋慧喬】婚前甜蜜拍拖 宋慧喬post準老公視角相曬恩愛
相片中，宋仲基對BB愛不惜手，影了勁多合照，有甜絲絲望住BB，又將個頭挨落BB個頭，仲錫BB額頭，每一張相都看到宋仲基露出爸爸的微笑！而BB媽媽仲爆料話，BB每次見到宋仲基都好開心，不過今次就好唔畀面，在宋仲基面前嘔奶！以為宋仲基會嬲豬？暖男宋仲基竟然話：「是BB的味道！」完全父愛爆棚，看來宋仲基、宋慧喬結婚之後，好快又會傳來好消息！
睇下宋仲基個爸爸微笑。（網上圖片）
相信唔少「宋太太」呢一刻都希望自己係宋仲基抱住個BB！（網上圖片）
【韓講堂】吸男神大法！ 想擁有宋慧喬、金智媛水潤肌要學這幾步
由BB媽媽的留言得知今次宋仲基只是單獨行動，沒有帶上未來老婆宋慧喬一起。之不過，宋仲基就跟朋友約好，下次會帶埋宋慧喬現身，未知下次會唔會已經是「宋家三人行」呢？
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/