【第54屆金鐘獎】薛耿求再封王稱掛住任時完 朴敘俊獲最佳男新人
撰文：沈洛嘉
出版：更新：
潤娥月中先出席完《釜山國際電影節》，尋日再度出席首爾《第54屆大鐘獎》。（網上圖片）
珉豪一身黑色西裝現身。（網上圖片）
尋日（25日）韓國《第54屆大鐘獎》喺首爾世宗文化會館舉行，《大鐘獎》由紅地毯開始已經星光熠熠，月中出席過《第22屆釜山國際電影節》嘅SHINee成員珉豪同少女時代成員潤娥（又譯：允兒）都有參加今次《大鐘獎》，當中更有Apink成員孫娜恩、女神孫藝珍、男神趙寅成、《逆權司機》宋康昊同「東萬」朴敘俊喺紅地毯上同粉絲見面，而宣美仲為大鐘獎帶嚟《Gashina》作為祝賀舞台！
宣美仲為大鐘獎帶嚟《Gashina》作為祝賀舞台。（網上圖片）
薛耿求話好掛住任時完。（網上圖片）
而係獎項方面，由李炳憲（又譯：李秉憲）以及孫藝珍同時頒發嘅最佳男主角就由演出《不汗黨：壞傢伙們的世界》嘅薛耿求（又譯：薛景求）獲得，薛耿求今次係時隔15年再次獲得大鐘獎最佳男主角，佢仲話：「我今日著咗《不汗黨》嘅服裝嚟到現場，再一次感受到電影中嘅感情，而任時完就好似喺我隔籬一樣，我都好掛住任時完。」
演出《朴烈》嘅崔瑞熙同時獲得最佳女主角同最佳女新人。（網上圖片）
而最佳女主角和最佳女新人同時由演出《朴烈》嘅崔瑞熙獲得，崔瑞熙係獲得最佳女主角時就表示：「我從來都無諗過可以攞到咁大嘅獎，要講嘅頭先都係拎新人獎嘅時候講晒，比起想像中有好多觀眾都鍾意呢套戲，就算係套戲落咗畫之後都給予我哋好多關愛，真係好多謝大家！」
[韓國直擊]少女時代潤娥8變5後現身釜山電影節 SHINee珉豪起哄動
朴敘俊以《青年警察》獲得最佳男新人。（網上圖片）
而朴敘俊就以《青年警察》獲得最佳男新人，佢發表感言時就講到：「《青年警察》係由一眾導演以及工作人員出盡全力製作而成嘅作品，呢份光榮由我一個獲得雖然有啲唔好意思，但同時都好感謝大家、父母以及粉絲。」
宋康昊主演嘅《逆權司機》則獲得最佳作品獎。（網上圖片）
更多《金鐘獎》圖片
+19
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/