【宋宋結婚】絕密復古味婚紗照爆光 宋慧喬甜笑騷婚戒
撰文：沈洛嘉
出版：更新：
哇！果然係錫粉絲嘅宋宋啊！之前先至講過佢哋影嘅婚紗照係唔會公開，但就係啱啱官方就公開咗宋仲基同宋慧喬今日2張現場相，同埋疑似之前係三藩市影嘅婚紗照！
呢套婚紗照調埋色之後，更有復古味。（網上圖片）
宋仲基同宋慧喬仲好好咁公開咗一張全身合照以及一人一張獨照，3張照片均帶點復古味道。宋仲基同宋慧喬嘅全身合照當中，宋仲基穿上花領長袖恤衫，配上深色直間西褲，緊拖住手持花朵的宋慧喬嘅手。而宋慧喬就穿上短袖花花款式長裙，裙腳更露出露指高跟鞋，畫面十分唯美，相信就係出自着名攝影師洪正鉉的鏡頭。
宋慧喬好似就企喺宋仲基前向，宋仲基甜笑住咁行過去。（網上圖片）
而在個人照方面，宋仲基換上一身西裝，手持一束汽球放在背後燦爛地笑着，似乎面前站着喬妹，一步一步走向她一樣。宋慧喬的個人照則是以頭紗遮面的大頭照，托着下巴的左手更露出鑽戒，不過就有別於今日宋慧喬在婚禮上配戴嘅婚戒。唔知之後仲會唔會公開更多絕密婚紗照呢？
更多宋仲基、宋慧喬照片
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/