《今生是第一次》香港觀眾有共鳴 每個人屋企總有一個廢柴細佬!

撰文:張嘉敏
出版:更新:
韓劇《今生是第一次》由李民基與庭沼珉主演,主角未必是香港觀眾最喜愛的,但劇情卻很易有共鳴。(Viu app圖片)

最近韓劇可能沒有矚目大作,不過《今生是第一次》(又譯:今生第一次)都算成功突圍!由李民基、庭沼珉、Apink成員普美、金玟錫等主演的tvN韓劇《今生是第一次》在同期播出的韓劇中獲得不俗人氣,就連出名高要求的Do姐鄭裕玲都有追睇兼公開向大家推介,就知呢套韓劇確是有它的吸引之處。而《今生是第一次》亦被指很有深受劇迷喜愛的日劇《逃避雖可恥但有用》的影子,兩套劇的男主角都是理性冷靜的IT宅男,奉行不婚主義,喜歡獨來獨往,女主角則都是家事通,在家中因細佬要結婚生仔而被迫搬走,男女主角因而展開了同居的生活,兼且都有假結婚的劇情。

《今生是第一次》男女主角展開了同居生活更假結婚,被指同日劇《逃恥》好相似。(Viu app圖片)

劇迷仲大讚《今生是第一次》內容夠貼地,發現原來韓國同香港都一樣,例如講住屋問題、昂貴租金、為供層樓做樓奴、情侶拍拖n年都未結婚面對樽頸位等,所以連香港觀眾都睇得特別有共鳴同容易投入。之不過,其實《今生是第一次》中仲有一樣好貼地的題材,就係女主角的廢柴細佬。冇錯!不論是韓國又或是香港,每個人的屋企都不難發現這類廢柴物種,甚至可以話係總有一個喺左近,日本人叫做「啃老族」,亦即是我們所講的「廢青」。

不單止《今生是第一次》女主角有個廢柴細佬,可能你同我身邊都有一個喺左近。(Viu app圖片)

《今生是第一次》李民基主動約會庭沼珉 熱吻後正式戀愛:一起睡

《今生是第一次》女主角庭沼珉的細佬,由盧宗玄飾演的尹智石完全是一個典型廢青,日日宅在家中游手好閒,冇貢獻兼要屋企人養,不務正業就連簡單家務都不會做,衫褲鞋襪通屋掉,搞到屋企亂七八糟,淨係識食、玩、瞓、打機、媾女仲要搞大埋女朋友個肚,最後更畀個女朋友李恩率鵲巢鳩佔趕走埋家姐庭沼珉。最慘是庭沼珉的父親嚴重地重男輕女,由細到大寵到盧宗玄壞晒,身為家姐的女主角在家中地位近乎零,仲要層樓寫細佬個名但卻由家姐負責畀錢!大家睇到這裡是否覺得《今生是第一次》這些情節似曾相識?其實這些事可能每日都發生在香港的你同我面前,又或者是朋友個朋友屋企,總之大家身邊總會有呢類廢柴細佬!難怪《今生是第一次》算不上大製作,卻引起香港觀眾的共鳴。

《今生是第一次》女主角庭沼珉細佬,搞到間屋亂七八糟,但又要佢執。(Viu app圖片)
庭沼珉返到屋企撞破細佬同女朋友親熱,在香港咁細的居住環境,相信大家都可能試過!(Viu app圖片)
+5

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/