小英@前After School細述遇上性騷擾　嚇到簽約4日即解約

劉小英表示自己遇過唔少呢類事。（網上圖片）

早前荷李活性騷擾醜聞搞得沸騰騰，就連《神奇女俠》（Wonder Woman）主角Gal Gadot-Varsano都表示有機會退出《神奇女俠2》嘅拍攝，更拒絕同Brett Ratner同場出席活動！而After School前成員劉小英早前喺Channel A節目《聽到傳聞》上爆料，稱自己曾遭到前經理人公司社長性騷擾！又講到：「我真係好想好想講我唔止一兩次遇到呢啲事！」

社長以歡迎新人名義「邀請」劉小英出席公司聚餐。（網上圖片）

Apink恩地《Untouchable》發佈會有炸彈？　Plan A：國際刑警介入

劉小英先從一開始講起：「當時我同某公司代表見面，就講到我好希望可以加入公司，其實氣氛都好好，大家都傾咗好多，仲已經蓋好印章。之後第2日就話因為有新同事（劉小英）嚟咗，所以我哋去聚餐啦！」食飯嗰陣大家都會一齊飲酒，劉小英飲到咁上下就想返屋企，因為得佢一個女仔，社長就話要送佢返去。一上的士嗰陣，社長就捉住劉小英隻手，於是她就提醒自己一定要清醒同埋係到要點做好？劉小英諗住自己落車再叫社長返去先，但社長就係都要落埋車送劉小英，跟住又同佢講不如我哋搵個地方傾傾，但嗰陣已經係凌晨時份，根本就無開門嘅地方，社長又係咁話去啲唔知咩地方，劉小英就因為太驚所以就去咗24小時嘅快餐店。

社長一上的士就捉住劉小英隻手，都令到佢幾崩潰。（網上圖片）

小英@前After School細述遇上性騷擾 嚇到簽約4日即解約

更多圖片

小英@前After School細述遇上性騷擾　嚇到簽約4日即解約