[MAMA 2017香港場。有片]粉絲攜帶攻擊性武器？　BTS太有吸引力？

MAMA 2017香港場《2017 Mnet Asia Music Awards in Hong Kong》昨晚完美落幕，不過Kpop粉絲們入場同保安的爭執，今日在網上仍餘溫未了。皆因喺MAMA 2017香港場開始之後，門外仲有大批觀眾未能入場，鑑於亞洲博覽館保安非常嚴密，粉絲被禁止擕帶摺凳、燈牌以及相機進場，令到粉絲進場之前的搜身時間大幅增加。

無可否認，單是BTS防彈少年團、Wanna One同EXO的魅力，已足以令觀眾們冒險帶相機進場大拍特拍，事實上亦有不少粉絲專誠由韓國同大陸來MAMA 2017香港場，就是想拍喜愛的Kpop偶像！當粉絲們知道不能帶相機進場後，大批粉絲就衝擊撞保安或直接跨過鐵欄，令保安又拎鐵欄阻擋粉絲前進，直接在現場上演「屍殺亞博」！而其中一名身穿紅色長裙嘅粉絲就被兩男兩女保安包圍，兩名男保安則在外圍維持秩序。其中兩名男保安仲重覆多次講：「放低佢先」，睇嚟係想將呢名女粉絲按喺地下，阻止佢郁動！而另一名男保安就大叫「Call the police」，又多次提及「攻擊性武器」、「攞住攻擊性武器」、「要報警」等。現場圍觀粉絲就問道：「佢拎住啲咩攻擊性武器？」男保安回應「較剪啊」！場面非常火爆，而男保安見到現場有圍觀粉絲舉機拍攝時，就話場館入面唔俾拍攝，強行要粉絲熄機，更聲稱自己態度好好「唔該熄機」！

【MAMA 2017香港】王祖藍即晚曬宋仲基合照　紅到上埋韓國搜尋榜

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/