【除夕倒數】成勛抱譚嘉儀攬足10秒 為粉絲除褸掟海報上3樓
喺迎接2018之前，成勛帶埋佢兩位未出道師弟作為佢嘅dancer現身，仲送咗兩首歌畀粉絲。其中一首仲係《焦急的羅曼史》嘅OST《You AreThe World Of Me》，更加唔係齋企獻唱，有埋編舞同dancer，誠意十足！唱完歌之後MC就問返成勛覺得香港粉絲係點樣？成勛竟然回應：「我覺得香港粉絲比想象中怕羞，韓國粉絲就掉返轉，比較主動同埋會衝過嚟。」而問到成勛首次來港有咩感受時，他說：「其實我平時都係喺屋企靜靜地咁倒數，今次係第一次同咁多人一齊倒數，覺得好開心。」成勛又大讚王君馨、岑麗香同朱千雪好女神、好靚女、而在坐嘅粉絲都一樣咁靚。
既是主持又係表演嘉賓嘅譚嘉儀見到成勛就似乎暈晒大浪，好想同成勛做朋友聯絡下，又話自己單身，成勛都好大方咁話：「無男朋友嘅話可以聯絡下，之前有同過香港或者內地演員合作，但都只係男性，第一次咁近同香港女演員見面。」而係主持助攻之下，提議成勛同譚嘉儀都一齊擺一個甫士合影，成勛就攬咗譚嘉儀足足10秒有多，唔知佢哋最後喺後台有無交換電話呢？
倒數前成勛就先祝大家事事順利，嚟緊2018年會開開心心，無論大事小事都可以過得快樂，而佢自己作為演員就會拍更多好戲畀大家。最後成勛就成為咗一眾女星嘅集郵目標，尤其是張秀文影完之後仲開心到跳下跳下，成勛oppa嘅威力真係好大啊！活動完結前成勛就送簽名poster畀現場粉絲，他為咗照顧埋3樓嘅粉絲，特登除咗西裝褸好似掟標槍咁掟啲poster上去，可惜掟咗3次都係差少少跌返落嚟，成勛都覺得好可惜啊。
【2018除夕倒數】成勛首次襲港陪粉絲 同王君馨超近距離對望
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/