T-ara智妍,孝敏,居麗微博搵王思聰 香蕉文化回應送跑車90億解約

撰文:沈洛嘉
出版:更新:
T-ara成員智妍、孝敏、恩靜和居麗好大機會不能繼續以T-ara名義活動。(網上圖片)

昨日(8號)傳出韓國女團T-ara成員智妍(又譯:芝妍)、孝敏、恩靜(又譯:𤨒晶)和居麗被前經理人公司MBK Entertainment買下「T-ara」商標後,又爆出中國富二代王思聰因為對T-ara嘅熱愛同支持,推使王思聰向MBK Entertainment支付高達90億韓圜(約$6,600萬港元)嘅解約金,更以Banana Culture(上海香蕉計畫文化發展有限公司)名義跟T-ara簽訂合約,作為T-ara在中國活動嘅經理人公司。

韓媒指王思聰為咗T-ara支付90億韓圜解約金,以及送上名貴跑車。(網上圖片)

王思聰除咗為T-ara支付昂貴解約金之外,更有消息指王思聰向智妍、孝敏、恩靜和居麗每位成員各送上一架名貴跑車。之不過,MBK Entertainment就否認送跑車一事,而且解約金亦唔係90億韓圜,而係更少嘅數目。當送跑車同90億韓圜解約金一事爆出之後,除咗令到Queen's(T-ara粉絲)議論紛紛,就連智妍、孝敏同居麗都表示不解,更在個人微博上tag王思聰再留言寫下:「 因為我不知道具體聯繫方式,就只能這樣聯繫了。Banana Culture曾經給韓國T-ara女團送過豪華車嗎?還有,給mbk送韓幣90億元的事情也是屬實嗎?我等回復」!

想不到T-ara的智妍、孝敏同居麗會在個人微博上留言,希望找出王思聰親自回應!(網上圖片)

擾攘一輪之後,王思聰的Banana Culture終於發表公司聲明,指90億韓圜解約及贈送名貴跑車,都是遙言和虛假消息,跟實際情況不符,他們跟T-ara的合作已於2017年12月31日完成。另外又指Banana Culture跟T-ara喺合作期間內積極配合,感謝付出過嘅努力。而對於造成公司名譽上嘅損害,就會保留法律追究嘅權利。同時,Banana Culture亦力證T-ara清白,給予Queen's安心,遙言止於智者,網民在網絡上都要小心留言,始終惡性留言對人對己都會有傷害。

Banana Culture公司回應T-ara成員提問的聲明全文。(網上圖片)
+19

其後,T-ara成員都有喺各自IG發表聲明,寫下「我哋係T-ara居麗、恩靜、孝敏、智妍,因為目前冇可以代表我哋嘅公司,苦惱緊要點樣同大家講清楚,所以就鼓起勇氣喺呢度告知大家。對收到跑車以及支付90億韓圜解約嘅事實我哋已經通過微博,親自向中國Banana Culture王思聰求證,並已經得到『報導都唔係事實,毫無根據』嘅答覆。從出道以來一齊辛苦打拚嘅公司以及職員,都唔好因為咁而受到傷害。希望我哋4個喺接下嚟嘅時間可以以T-ara呢個名同大家打招呼,希望所有事情會有完滿嘅解決方法。以上就是我哋4人立場,感謝大家觀看。」

T-ara因為已沒有公司代表,唯有透過個人Instagram發表聲明。(網上圖片)

T-ara完約3日前MBK買下商標 步BEAST後塵被打壓?

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/