鄭有美同孔劉傳緋聞 《嫉妒的化身》孔曉振ig嬲豬：點解唔係我？
撰文：沈洛嘉
出版：更新：
今日韓國娛樂圈大新聞，竟然係傳出孔劉同鄭有美結婚？（網上圖片）
今日驚傳韓國電影《屍殺列車》譜出戀歌，主演孔劉同鄭有美爆出結婚遙言，雖然兩人所屬的經理人公司Management SOOP極速否認。不過孔劉同鄭有美點解會傳出結婚說，韓媒就搵返以前孔劉接受訪問曾經提過：「我好喜歡鄭有美呢個演員，唔關曾經合作過事，只係因為佢嘅個性、獨特性好令我羡慕，應該係因為呢個原因所以鍾意佢！」除此之外，孔劉仲講過：「希望鄭有美唔好出演電視劇，成為只屬於我自己嘅明星，內心深處希望只係得我知道佢嘅好，唔係嘅話就有種被人搶走嘅感覺。」孔劉講到咁出面咁直白，真係好難唔令人諗錯你對鄭有美係認真喎！
孔劉曾經公開過自己理想型係文靜、獨立、可以自理嘅女孩，而且年齡差距唔好太大，所以喺《鬼怪》入面嘅金信同池恩卓之戀，就應該唔會發生喺孔劉身上喇！（網上圖片）
孔劉同鄭有美的戀愛傳聞，竟然引到另一位韓國女星孔曉振，在Instagram留言表示不滿！（網上圖片）
+4
之後，孔劉同鄭有美經理人公司的Instagram戶口soop_boss，就更新了一張文字圖片寫上「聽講昨日預約咗新羅酒店，係酒店方面流出嘅情報，同鄭有美啊」，並留言「呢位朋友我哋見一面啦」。但就估唔到竟然引來同孔劉有「孔兄妹」之稱嘅孔曉振（又譯：孔孝真）在下面留言表示不滿！孔曉振留言「嘖…真係瘋話….點解同我就一定唔會傳（緋聞）？呢個令我仲嬲啊，就因為我哋成日都係孔兄妹？！！」一眾韓國粉絲們都指孔曉振呢個行為真係好可愛，仲問係唔係「嫉妒的化身孔曉振」添？
孔劉同孔曉振一向friend底，更以兄妹相稱！（網上圖片）
《屍殺列車》孔劉同鄭有美結婚？ 婚禮場地同宋仲基宋慧喬一樣！
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/