【臉紅的思春期】智煐清唱《Galaxy》冧粉絲 智潤好期待演唱會

撰文:沈洛嘉
出版:更新:

今次真係終於等到喇!臉紅的思春期兩名成員智煐、智潤本來就約咗香港粉絲上年見面,但就因為智煐感冒,《BOL4 Concert in Hong Kong》逼住需要取消,但係掛住香港粉絲嘅臉紅的思春期,喺智煐身體恢復之後,好快就再次嚟到香港同粉絲見面喇!

張穎倫攝

臉紅的思春期見到粉絲即刻笑晒!

今日臉紅的思春期就嚟到新蒲崗Mikiki同香港粉絲見面,當中仲有唔少學生喺放學之後趕到現場見偶像一面!雖然《Mikiki X BOL4 Concert in Hong Kong》記者會原定下晝6點半開始,但因為臉紅的思春期就因為行程關係,晏咗少少大概7點先現身,不過現場粉絲見到臉紅的思春期甫出場即時尖叫歡迎,而臉紅的思春期就以廣東話打招呼:「大家好!我哋喺臉紅的思春期!」
 

智煐就即場清唱《Galaxy》同新歌《First Love》。

智煐知道粉絲擔心佢早前病咗,都同大家交代依家已經好返晒!而MC再問到臉紅的思春期對香港粉絲印象喺點?智潤回應:「覺得香港粉絲好積極,同時都好期待聽日嘅演唱會!」而智煐就話:「第一次喺香港開演唱會好幸福,一直以嚟都好想黎香港,好想做好今次演唱會,下次可以再黎!」
 

智潤表示好期待聽日演唱會。
+7

講到臉紅的思春期聽日嘅演唱會《BOL4 Concert in Hong Kong》時,智潤表示:「今次演唱會選曲同之前好唔同,大家可以期待一下!」再問到平時作曲靈感係點嚟時,臉紅的思春期就話:「多數都係有關日常生活,睇電影或者電視劇時又會投入當時主角心情,諗下佢哋會係點,再放自己感覺落去,希望大家會有共感。」

最後臉紅的思春期仲清唱咗《Galaxy》同《First Love》送畀現場粉絲,想聽更多更足本好歌就要聽日去到現場《BOL4 Concert in Hong Kong》喇!臉紅的思春期最後仲有同上台嘅粉絲以及現場粉絲一齊大合照!

臉紅的思春期最後仲落台同粉絲合照。

(觀看更多) 臉紅的思春期香港演唱會 因「不可避免的情況」延期

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/