鄭亨敦Defconn《一週偶像》下車 銀赫@Super Junior神預言成功？
《一週偶像》由2011年開播至今已經踏入第7個年頭，節目由鄭亨敦以及Defconn主持，將《一週偶像》稱為奇蹟節目亦不為過，7年間大大小小當紅韓星如：BIGBANG、BoA、BTS防彈少年團、EXO、TWICE、BLACKPINK、SEVENTEEN，以及新晉藝人等等，仲有JYP Entertainment社長朴珍榮、Antenna社長柳熙烈，真心就算唔係特定某隊粉絲都會睇《一週偶像》！
《一週偶像》當中兩個環節「Random Dance」以及「2倍速Dance」吸納唔少忠實觀眾，成為K-pop迷逢星期三必睇綜藝節目。雖然鄭亨敦曾經因為患上焦慮症中途從《一週偶像》下車，改由希兄妹Super Junior字宙大明星金希澈以及EXID女神Hani（本名：安喜延）代班主持，其後鄭亨敦身體恢復好後再次擔任《一週偶像》主持，但早前同埋Super Junior一齊出演《一週偶像》嘅金希澈，就仍有開玩笑同鄭亨敦講佢隨時都可以代班。
但係尋日就突然爆出兩位主持鄭亨敦同Defconn喺3月7日錄埋最後一集《一週偶像》後，就會從《一週偶像》下車，消息一傳出之後嚇懷大批觀眾，《一週偶像》PD金鎮都有喺Twitter寫下「出新聞了，7年間一直做嘅《一週偶像》依家要唔做真係好難過，《一週偶像》製作組以及主持鄭亨敦同Defconn都好多謝喜愛《一週偶像》嘅粉絲。」
當初Super Junior以《BLACK SUIT》Comeback上《一週偶像》時，就有講過因為銀赫演出後就停播嘅節目大概有5個左右，銀赫當時仲話：「《一週偶像》都要小心啊！」其後銀赫又不時喺鏡頭前做出拉閘動作，搞到平時咩都唔驚的鄭亨敦怕怕即時阻止銀赫拉閘。唔通《一週偶像》就係因為銀赫，最終走唔甩拉閘後果？
更多圖片
冬奧運動員多韓星朋友 請夏集郵Super Junior東海：弟弟我愛你！
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/