Tony An@H.O.T.連續7日「畀鬼壓」兼摸胸 最終親自請走長髮女鬼!

撰文:沈洛嘉
出版:更新:

韓國一世代男子組合H.O.T. 5名成員文熙俊、張佑赫、李在元、Tony An同Kangta經《無限挑戰-星期六星期六是歌手》(六六歌)環節,事隔17年再次重組,感動一眾Club H.O.T.(H.O.T.粉絲),就連冇票嘅搞笑藝人朴智宣都專程去到場館門外跟一眾Club H.O.T.一齊應援,到節目播出當然整喊唔少「成詩媛」(請回答1997中,Apink恩地飾演的H.O.T.狂飯)!

H.O.T. 事隔17年終於可以在舞台上重聚!(網上圖片)

H.O.T.重組當然引起Kpop界關注,其中Tony An喺H.O.T.解散後「畀鬼壓」一事更被大家重提!話說Tony An曾喺韓國綜藝上大爆喺H.O.T.解散後,大約於2005年5月經歷一件令人毛骨悚然嘅事!Tony An話嗰排成日畀鬼壓,每到夜晚就會喺房到見到一名長髮女仔!如是者過咗7日之後,開始覺得好奇怪,因為原先只係感覺到長髮女仔冰冷嘅眼神,點知突然之間覺得有人壓喺自己胸口上面,嚇到Tony An即刻打開眼,發現呢個女仔企喺床邊摸佢心口,同時發覺自己瞓覺之前都仲好哋哋,衫都係着得整整齊齊,點知起身嗰陣就發現自己竟然衣衫不整,就連放喺床邊嘅嘢都會消失!令到Tony An每日都生活喺恐懼中!

Tony An喺H.O.T.解散之後壓力大到畀鬼壓?(網上圖片)

經過一星期煎熬之後,H.O.T.的Tony An實在太攰要提早返屋企休息,但佢又好驚繼續畀鬼壓就打算睇電影減低睡意,點知突然之間Tony An屋企竟傳出音樂聲,即時又嚇到Tony An彈起!因為Tony An知道呢個並唔係自己手機鈴聲,因而找尋聲音來源。最後竟然發現喺廚房洗手盆下面個櫃有個女仔瞓咗喺度,嚇到Tony An腳到軟埋啊!

Tony An@H.O.T.終於解開畀鬼壓之謎!(網上圖片)
+33

H.O.T.的Tony An最後發現呢個女仔原來係佢嘅私生飯,因為一直跟蹤Tony An又私下打聽佢屋企嘅門鎖密碼,所以成功潛入Tony An屋企,仲晚晚望住Tony An瞓覺同偷走佢嘅生活用品!不過心地善良嘅Tony An@H.O.T.就諗住呢個女仔其實唔係想害自己,最後都冇報警甚至叫醒佢親自送佢出門,更好用心咁勸佢以後都唔好咁做。事實上,今時今日重提Tony An「畀鬼壓」事件都令人好震驚,同時更令Kpop界再度關心私生飯問題,fans們真係要留多啲空間畀自己偶像啊!

H.O.T.的Tony An遇到私生飯潛入自己屋企,冇報警之餘仲對呢位狂飯好言相向,真係好好人!(網上圖片)

請回答1997!Apink恩地晒扁咀相 睇完H.O.T《無限挑戰》感動到喊

下載《香港01》App,更多韓星靚相、影片率先睇!

http://bit.ly/HK01_App

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/