《與神同行》原作者爆:月值使者金香起本來係IU 換角竟然因為?

撰文:沈洛嘉
出版:更新:

電影《與神同行》大受香港同韓國觀眾歡迎,唔少影迷睇完《與神同行》第一部已經話好想睇《與神同行:最終審判》!當然《與神同行:最終審判》電影製作組已經確定今年暑假就會上映,影迷唔使太過心急!因為《與神同行》1、2部都係同期拍攝完成,大家想睇大隻佬馬東石(又譯:馬東錫)、型爆河政宇、翻生長腿oppa朱智勛、以及可愛「00後」金香起等人嘅演出,等多幾個月就有得睇喇!不過記者最想睇都係《與神同行:最終審判》會有幾多紅星友情出演呢?

等多4至5個月就有得睇《與神同行:最終審判》喇!(網上圖片)

早前《與神同行》原著漫畫家周浩旻喺韓國節目中提到,由金香起飾演月值使者「李德春」一角,原本係決定由Kpop女歌手IU做㗎!周浩旻話電影《與神同行》由2013年已經開始籌備,當時IU先20歲正好適合做李德春一角,不過隨住時間推移,IU都已經長大成人,所以因為年紀問題IU就被out出億萬票房電影《與神同行》,而由年紀更輕嘅金香起頂上喇!

IU竟然因為太老慘被《與神同行》換角?(網上圖片)
+14

而金香起接拍《與神同行》後,敬業嘅金香起更一口氣睇晒《與神同行》漫畫,又喺好短時間內消化好李德春呢個角色。而周浩旻亦表示,當佢睇到金香起剪咗《與神同行》漫畫入面李德春嘅髮型後,覺得同原著真係太過神似,感覺非常之好,喺睇到成品之後更好滿意添!雖然IU失落《與神同行》月值使者李德春一角,不過如果周浩旻可以喺《與神同行:最終審判》入面加插一個小角色畀IU嘅話,就可以滿足晒周浩旻、Uaena(又稱:U-ana)(IU粉絲)以及IU嘅小願望喇!

好在金香起喺《與神同行》飾演月值使者李德春一角都大獲好評!(網上圖片)

《與神同行》 吳達庶被爆曾性侵女演員 受害人:佢伸手入我條褲

下載《香港01》App,更多韓星靚相、影片率先睇!

http://bit.ly/HK01_App

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/