【Wanna One】姜丹尼爾黃旼炫拍MV瞓着？ Wannable心痛日程太密
撰文：陳穎妍
出版：更新：
3月可說是Wannable（Wanna One粉絲名）最期待嘅一個月份，即將回歸嘅Wanna One最近釋出大量預告圖同影片，Wannable都表示十分興奮。就喺昨日公開嘅《I.P.U》MV預告中，除了成員們帥氣嘅外貌外，Wannable就留意到姜丹尼爾同黃旼炫竟然喺MV睡着了？
Wannable發現到瞓着嘅姜丹尼爾同黃旼炫嗎？（網上截圖）
+6
《I.P.U》MV預告入面一幕，成員邕聖祐瞓喺正中心，其他10位成員就一齊瞓喺地下。當中李大輝、裴珍映同賴冠霖都擺出帥氣pose「扮瞓」，不過姜丹尼爾同黃旼炫就被發現似乎直接喺拍攝期間瞓着咗。姜丹尼爾完全無顧及形象，喺畫面當眼位置瞓到「雙下巴」都現形。至於黃旼炫雖然喺畫面左側面相比下無咁明顯，不過一樣逃不出Wannable嘅法眼。
黃旼炫（左）同姜丹尼爾（右）就被眼利嘅Wannable發現直接瞓着咗。（網上截圖）
不過Wannable就話反而好擔心，Wanna One因為行程太緊密而休息唔夠。因為Wanna One喺1年半嘅限定團體，所以日程代言總是排得好緊密以至成員直接攰到喺拍攝現場瞓着。其實姜丹尼爾早在唔同綜藝節目入面，多次被鏡頭捕捉到攰到瞓着或者經常瞓喺床嘅畫面。就好像其中一集《Master Key》姜丹尼爾玩遊戲前就瞓着咗，連所有人已經出發執行任務都唔知道，《Wanna One GO》同《被子外面很危險》都可以見到姜丹尼爾大部分空餘時間都會留在床上休息。Wannable都十分心痛Wanna One成員們面對如此緊密嘅日程，擔心休息唔足夠嘅成員們身體會出問題。
姜丹尼爾就曾經喺《Master Key》瞓到任務開始都唔知道！（網上截圖）
+18
Wanna One 《I.P.U.》 MV預告
Wanna One三月回歸新預告 專輯內容公開Wannable大叫緊張
下載《香港01》App，更多韓星靚相、影片率先睇！
我們01韓迷的facebook專頁Kpop 01已經開始喇！
想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/