朴信惠孖宋茜@f(x)出席Chanel活動 執相竟執到驚現一對靈異腳?

撰文:沈洛嘉
出版:更新:

今早朴信惠終於認愛細一歲嘅崔泰俊,據熟人指出朴信惠同崔泰俊一早就已經甜蜜拍拖,只係礙於兩人各自關係先遲遲未能公佈戀情,唔通朴信惠係怕影響2017年11月上映嘅韓國電影《沉默》先多次否認戀情?

姐弟戀愈趨普遍,何況朴信惠同崔泰俊只差一歲。(由Viu《K1頭條》提供)

近日朴信惠就同韓國女團f(x) 隊長宋茜、韓國人氣模特兒Irene Kim以及SOOJOO PARK一同出席喺巴黎舉行嘅《2018F/W CHANEL Collection》時裝週,朴信惠同宋茜、Irene Kim都有合照留念,朴信惠同Irene Kim更有各自喺個人Instagram公開合照,朴信惠更表情多多,又嘟嘴又擺V,拍拖真係令人心情特別靚!

朴信惠同Irene Kim嘟嘴合照好可愛。(網上圖片)

宋茜都有喺個人官方微博宋茜工作室公開喺巴黎嘅拍攝花絮,當然MeU(f(x)粉絲)都有大讚宋茜「好靚」、「高顏值令人羡慕啊,關鍵還這麼有才華,老天太不公平了」、「沉迷於宋茜無法自拔」以及「無以倫比的美麗」等等。

宋茜個人Instagram上傳一張跟Chanel有關嘅相並寫下「Memory」。(網上圖片)

不過其中一張宋茜喺Chanel會場坐喺木凳上嘅相就出事喇!點解宋茜張相會多咗對靈異腳㗎呢?宋茜所坐嘅凳闊度剛好只夠一個人坐,照道理說宋茜背後應該無人,而且凳下亦唔似裝有鏡子,唔似鏡面倒影出宋茜嘅腳;同時從照片中睇嚟宋茜腳下嘅枯葉亦比旁邊嘅枯葉厚而多,睇落仲有小小拱起跡象,唔通呢張相真係修圖過度,修圖師父連多一對腳都唔記得執返走?

點諗都唔明呢對腳係點嚟嘅...(網上圖片)
+10

另外,宋茜近日作為導師忙住拍《熱血街舞團》(又稱:《中國有街舞》),同台仲有EXO前成員鹿晗、陳偉霆、GOT7香港成員Jackson王嘉爾!不過想睇《熱血街舞團》嘅K-pop迷就要等多一星期,因為3月17日先正式開播。

宋茜好快就會喺《熱血街舞團》同大家見面。(網上圖片)

(觀看更多) 崔泰俊朴信惠三度傳緋聞 被Dispatch爆相今日終認愛!

下載《香港01》App,更多韓星靚相、影片率先睇!

http://bit.ly/HK01_App

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/