翟威廉Big Big Channel贏五萬蚊 功臣周志文被遺忘:佢仲未搵我

撰文:黃浩晉
出版:更新:

大台近期集中火力宣傳新手機app平台「big big channel」,讓藝人開直播與觀眾更多互動,結婚又開直播、生B又開直播,塑造貼地親民形象。在昨日《群星拱照Big Big Channel》中,大送iPhone,又派「勤工獎」,經常合作開直播jam歌的翟威廉、大細孖周志文、周志康、劉珮玥、「木偶哥」林師傑等人獲得50,000元「勤工獎」。

翟威廉等人的「Happy Live」贏得50,00元勤工獎,你睇威廉笑得幾開心!
其實周志文周志康,記者到現在都未分得清,你又分到嗎?
+9

雖然翟威廉等人獲得巨額「勤工獎」應該慶祝一番,不過昨日有份現身電視框的獨欠大孖周志文。其實原本的「Happy Live」一直有在FB作直播,成員翟威廉、周志文等人每個星期都開兩、三次直播,而且每次Jam歌都至接近兩小時。周志文同樣有份籌備表演、練歌,卻未能同台。

Happy Live鐵腳都有份出鏡,獨欠周志文。

未有現身節目的周志文回應《香港01》時,表示因在台灣工作關係未能出席節目《群星拱照Big Big Channel》,而非傳聞所指因與大台關係不和被封殺。被問到有否計劃回巢爭取多幕前曝光?周志文表示:「有機會都想,其實演藝人都想多啲平台曝光,而TVB又係一個好大嘅平台。」大台高層有冇接洽日後合作的計劃?他表示:「暫時未有。(會否感到大細超?)當然唔會啦!」

另外,被問到昨晚有出份席的藝人都收到iPhone一部,未能出席的周志文有冇份?他回應指:「咁好現實嘅,我冇出席都應該冇㗎喇。(咁TVB會唔會寄番俾你?)我諗都好難追得番㗎喇,依家我部電話都仲用到吖!」早前翟威廉接受訪問時提過,部份TVB藝人都收到公司的「任務」,要多用big big channel開直播,周志文是否其中一人?周志文則表示:「其實我都係透過威廉同公司溝通,我就冇直接收到呢個消息。」

昨晚翟威廉、周志文、周志康等人為鐵膽的「Happy Live」在《群星拱照Big Big Channel》節目中贏得50,000元「勤工獎」,而翟威廉亦提到會將獎金齊齊分。周志文對於齊齊分獎金,說笑道:「係咩?威廉都未私下聯絡我,我都有啲嬲。講笑啫,其實請我食番餐飯都OK!其實已經傾好咗點分㗎喇!」

周志文表示自己身在外地未能出席,iPhone都攞唔到。

身為「統籌」的翟威廉對於周志文未有亮相,回應《香港01》時表示:「阿文本身都會出席唱嘅,不過佢唔喺香港,但本身係有預佢嘅。(與大台不和的傳聞有關?)唔關!諗多咗,我哋最初都驚關唔關事,其實完全冇問題。」

贏得50,000元「勤工獎」會如何慶祝?翟威廉笑謂:「點使?分番畀啲膽都喺番到啦,我哋咁多個膽!啲人個個都以好多,唉!我哋每個膽都50,000蚊就話啫!」威廉又提到:「其實我負責分啫!但係我都會攞大份啲嘅,因為我器材、場地有好多使費;有時啲數好難計,總之我出咗先。其實大家都好好嘅,都唔係真係咁講錢,如果真係講錢嘅話,呢壇嘢真係少錢到爆啦!出面搵佢哋唱首歌都幾皮啦!依家(開Live)唱足十幾場,場場都十幾首歌喎,又係另一種計法嚟嘅。」

翟威廉表示其實50,000蚊分番畀各成員都唔係得好多。

對於公司「罕有疏爽」,翟威廉都感到好Surprise,不過做統籌的確勞心勞力,難怪他聲線疲累回應:「OK嘅,唉!今次大贈送開心嘅!你做個統籌事前事後都要做嘢就辛苦啲囉,做完Live食完嘢都即刻瞓覺!」被問日後會否以開直播作主要收入來源時,翟威廉亦笑謂:「唔…這個很有難度吧。」

另外,雖然翟威廉的Studio地方不大,但仍邀請到藝人朋友參與直播,他打趣道:「雖然地方細,bigbig channel吖嘛,逼啲唔緊要啦,哈哈!」威廉又提到:「其實都係以開心嚟sell大家嚟玩,如果你話開直播『有人氣』嘅,呢啲就攞嚟講啦,佢哋本身都人氣爆燈啦!如果你話搵錢,根本就同錢冇咩掛勾啦,純粹以開心為主。」但仍希望日後可以加入不同商業元素。