【我不怕唱歌】童年偶像唱歌跳舞超掂? 原唱陳柏宇:浪費咗!

撰文:史順宜
出版:更新:

陳柏宇(原唱):我知道佢係邊個啦!睇佢下半個咀就估到!佢唱歌好聽,跳舞好睇,浪費咗技能,應該唱多啲歌啦!
何超儀:KEY好高!
許廷鏗:我認得佢雙下巴!佢係好多人童年偶像加回憶!

不經不覺今季的《我不怕唱歌》進入倒數階段,你今季又估中幾多個呢?今集嘅呢位嘉賓於香港演藝學院舞蹈系畢業,出道時一曲成名,也是天后陳慧琳的師弟,而且少有傳緋聞的他曾被傳是同性戀者,而今年他更宣佈成家立室!你又知唔知佢係邊個呢?

攝影:黃國立
剪接:許柏倫
髮型:Jean.T @aTEN Studio
結他:Abby
敲擊:Joey

初出道似小鲜肉,依家就有一個標誌性雙下巴。

身兼電台DJ及歌手的葉文輝(啤梨),當年因為主持有線電視YMC節目而入行,其後經人介紹到新城電台工作,並於2002年成為正東唱片旗下的歌手,也是天后陳慧琳的小師弟。同年出道的他,當時憑著韓國電影《我的野蠻女友》廣東版主題曲《I Believe》一曲爆紅,《I Believe》更是他歌唱生涯的代表作。

啤梨家人指他與陳柏宇聲線相似。(攝:黃國立)

今次啤梨在《我不怕唱歌》選擇演繹陳柏宇的《固執》,除了非常欣賞陳柏宇外,其家人更覺得啤梨的聲線與陳柏宇的聲線頗為相似:「有一次我揸緊車載我屋企人嘅時候,當時收音機咁啱播緊陳柏宇出道代表作《固執》,屋企人聽到之後覺得好好聽,以為我出咗新歌,而且當時都有朋友同我講,覺得陳柏宇同我嘅聲線有啲相似,所以今次試吓唱呢首歌《固執》玩吓。」

問到啤梨最近出動郵輪banner向拍拖4年的圈外女友求婚成功時,啤梨表示:「我其實一直都認定佢,一直都視佢為終身伴侶,所以自己呢幾年一直好努力去搵錢,試過除咗電台同主持,仲有做生意,不過我發覺我越投入,變得越冷落咗另一半。其實呢兩年都打算求婚,不過真係掛住做嘢,無去計劃,無去諗過點樣實行,戒子都未買。直到上年我決定放底哂手頭上嘅生意,買戒子計劃求婚。好笑嘅係,其實我當初想賺多啲錢,早啲結婚,所以走去做生意,但亦都因為做生意經常損手而推遲結婚。我諗如果我唔做生意,應該可以早啲結婚。」

啤梨在今次《我不怕唱歌》系中演唱了《固執》外,他還演唱了他唱過n次的代表作《I believe》,問到啤梨認不認同自己是位「一曲歌手」,他有另一番見解:「我以前睇過一個許志安嘅訪問,佢講過其實每首歌,都會有佢自己嘅歌運,依一點我好認同。當時經理人Paco(黃柏高)叫我唱呢首歌,當然有計算好多嘢,但我覺得《I believe》最主要係呢首歌本身都有自己嘅運,首歌推出之後真係有好多名利自己飛埋嚟,最令我感受到嘅係其他地方,內地、馬來西亞、加拿大及澳洲等。當時《I believe》令我有好多搵錢機會,依家諗番轉頭覺得自己有好多不足,好多時候做唔到100分。」

啤梨坦言,當年做出道因為《I believe》而獲得很多機會,但當時卻不懂珍惜。(攝:黃國立)

啤梨續說:「呢首歌除咗為我帶嚟好多登台機會,主持方面同樣為我帶嚟好多。當年我就喺tvb做勁歌金曲主持,還記得當時嘅勁歌金曲真係好多人睇,當時又係主持又係歌手,所以次次出場都有得唱歌,更屈機係可以同嗰集嘅歌手合唱。我記有一次許志安上嚟勁歌宣傳新歌,但係因為我係主持又係歌手,所以佢要同我合唱,其實諗番起都幾high!不過如果俾我再做多次,我一定會用多10倍嘅努力去唱好嗰半首歌。以前因為《I believe》,一切都嚟得太容易,自己唔識得珍惜。」

聽到啤梨唱《I believe》,你又有無諗起經典韓國電影《我的野蠻女友》嘅情節呢?(攝:黃國立)

一位歌手甚至對藝人如果想曝光,一定要識得宣傳自己,啤梨坦言自己唔識搏出位:「我覺得自己以前真係做得唔好,太內斂,太斯文,唔識得製造話題。曾經有樂壇前輩話我做事唔夠浮誇,無話題性,又叫我搵個女仔出街拍拖畀人(記者)影吓當宣傳,當時我無聽,我想保護自己私生活,所以入行以嚟無乜話題性,而且我做主持出身,所以工作時會慣性講嘢分莊閒,唔想畀人覺得我搏出位。」

+8