【一首歌】黃子華Talk得又唱得 《藍天》「藍藍天空高掛我的夢」
撰文：黃浩晉
出版：更新：
「藍藍天空高掛我的夢 深海 潛入最深追逐確與眾不同」
唔使多講，又係一睇字就有聲嘅歌，由黃子華主唱嘅《男親女愛》主題曲——《藍天》！
今晚主題係「演而優則唱」，又點可以唔提黃子華呢！好多人認識佢都係因為棟篤笑，簡直係香港嘅「King of 棟篤笑」，難怪個個都叫佢做「子華神」！不過其實子華神最初真係做一個演員先，點知做極都係成績平平，然後先開第一個棟篤笑《娛樂圈血淚史》。
點知呢個棟篤笑就令佢一炮而紅，真係老套都要講句「塞翁失馬，焉知非福」呢！子華神之後除咗棟篤笑，亦有參與電視劇、舞台劇、電影。唯獨電影偏偏票房唔太收得，但電視劇套套都有極好口碑。而且子華多數會唱埋電視劇主題曲，除咗《藍天》，仲有《奸人堅》主題曲、《棟篤神探》主題曲《衰邊個》等等。
唔講咁多，去重溫子華神嘅歌先！