開騷提許冠傑86年患高山症拍戲 譚詠麟哽咽讚:佢係代表香港人

撰文:黃浩晉
出版:更新:

一連12場的《阿SAM&阿TAM HAPPY TOGETHER演唱會》昨晚頭場,許冠傑和譚詠麟半世紀首次合作開演唱會,當然一票難求。阿Sam與阿倫都非常識做,先後四次到台下與觀眾握手,雖然阿倫不慎拉傷手,但無損他唱歌的心情,Encore唱到11:59超時完場,就連特首林鄭月娥都睇到最後一首歌才離去。
攝影:梁碧玲

今次演唱會充滿心思,二人唱出陳百強的《一生何求》和張國榮的《有誰共鳴》,向兩位已故樂壇傳奇人物致敬。兩人談及開演唱會的原因,阿Sam表示:「恨咗好耐,希望廣東歌繼續傳落去!」阿倫就話:「阿Sam無論喺音樂方面、生命方面、任何方面,佢其實係一個領袖!」接著在台下尋找許冠文,並對他說:「呢件事冇人會知,1986年阿Sam去拍戲,曾經好意外地得到高山症,嗰一年年中有個新藝城嘅日本作品展,我同Michael都有去,我哋喺台下睇住阿Sam上台講嘢,當時阿Sam狀態未復原,講完後,Michael同我...」

阿倫講番阿Sam 86年得高山症嘅事,並大讚佢代表香港人!

說到這裡阿倫已經哽咽說不下去,經阿Sam安撫後續道:「Michael同我兩個人,係兩行眼淚,唔係因為Sam係我偶像,係我覺得,阿Sam係代表我哋香港人!當時我拍一拍Michael膊頭同佢講,阿Sam將來一定得!結果冇耐阿Sam就出返嚟開演唱會!」說畢掌聲四起,阿倫更對阿Sam說:「你係我哋嘅榜樣,你唔衰得㗎嘛,係咪?」眼見阿倫真情流露,阿Sam回應:「冇衰到!嘩,你年紀越大感情越豐富喎!」全場又笑起來!

阿Sam對阿倫講:「嘩,你年紀越大感情越豐富喎!」

演唱會除了懷欣和懷谷做表演嘉賓外,更邀得已故武打巨星李小龍的女兒李香凝合唱兩首歌曲,短短兩曲足已顯出李香凝唱功了得,她又將《Somewhere out there》獻給亡父。

頭場演唱會就唱到超時,事後阿倫及阿Sam接受記者訪問時表示,接著的演出會短一些盡量不超時,而頭場「罰就罰梗㗎喇!」今次演出阿倫有數次甩嘴「蝦碌」,佢就解釋:「梗有啲啦!現場人聲實在太嘈,音樂有啲都聽唔到。希望嚟緊幾場狀態更好啦!」

已故武打巨星李小龍的女兒,李香凝也是昨晚的嘉賓之一。
懷欣懷谷出場唱了《鬼馬雙星》、《愛情陷阱》和《半斤八兩》。
演唱會內容超豐富,睇圖慢慢講你聽!(梁碧玲攝)
+26
阿Sam先後2次點名,要將歌曲送畀林鄭,分別係《沉默是金》和《愛的根源》。
Sam在短片說,傳聞紅館歌詞機由阿倫發明,引到全場大笑。