Kolor改編《好心分手》變Metal版 網民惡搞:做乜咁大怨氣?

撰文:黃浩晉
出版:更新:

樂隊Kolor近日推出歌曲《好心分手之做乜分手》,將原來唱出女生失戀傷感的《好心分手》改編成Metal版。原曲中悲悽的弦樂、鋼琴通通拿掉,換上重型憤怒的guitar riff,再加上主音Sammy聲嘶力竭的唱腔,將《好心分手》改得面目全非。有網民留言:「到底Sammy聽咗幾多次佢老婆喺屋企唱好心分手,先可以唱到好似佢咁大怨念?」

Metal版《好心分手》MV今日出爐,畫面主調變成黑白色,四個大隻Rock友眼神兇狠望住鏡頭,為咩事咁大怨氣去翻唱呢?原來因為盧巧音將於12月開騷,將會有幾個音樂單位翻Candy的名作。Kolor的結他手羅斌接受訪問表示:「Candy喺12月開騷,所以有幾個音樂單位合作cover Candy嘅歌。反正都玩就玩盡啲,所以就揀咗《好心分手》呢隻歌。」

將流行曲改編成Metal版會否難度很大?羅賓形容這次改編是手到拿來:「其實對我哋嚟講可以話係手到拿來,因為我哋幾個都好鍾意Metal嘢,所以用咗一晚時間就完成咗今次嘅改編。」

有網民留言問Sammy咩事咁大怨氣唱《好心分手》。(MV截圖)
個MV拍到咁型, 睇得出Kolor同幕後製作人員都落足心機!(MV截圖)
+4

有傳聞指,《好心分手》一曲是02年盧巧音與余文樂分手後,憑歌寄意向對方表心聲,而黃偉文填詞亦從女生角度出發,如「下半生陪住你,懷疑快樂也不多,沒有心別再拖」等等歌詞都講出不少女生的心聲。

點都好,盧巧音12月開騷係喜事,相信不少樂迷都好期待。事關對上一次Candy於香港開騷已是08年的事,加上Candy又透露過會推出新歌,各位樂迷係時做足準備撲飛喇!

盧巧音將於12月開騷,各位fans記得準備好撲飛喇!(視覺中國圖片)
聽完Kolor嘅Metal版,再聽番原版,大家鍾意邊個多啲呢?