周杰倫演唱會門票信用卡預訂秒殺 樂迷痛哭重現iPhone X事件
撰文：黃浩晉
出版：更新：
周杰倫將在明年3月15至19及21日假紅館舉行《地表最強演唱會Part2》，門票於前日優先信用卡預訂，不過一如既往一開賣就「秒殺」。門票原價分別是：$1180、$780、$480，但有炒飛網顯示A區門票最高炒至$18,880，實在誇張。
（註：不鼓勵炒賣門票）
有炒飛網顯示周杰倫紅館騷票價最高炒至$18,880。(網頁截圖)
周杰倫開騷一票難求有樂迷不願幫襯黃牛食炒價，前日一早起身捕實官網，可惜都「撻Q」。該樂迷透過信用預訂，辦理好所有手續兼過數後，竟然彈出系統錯誤頁面，重現買iPhone X撻Q事件，真心想睇騷的樂迷真係一殼眼淚。
就算識人可以內部認購情況亦不見樂觀，有行內消息指，如若想買靚位飛，必須硬食多一張中價飛，變相「綑綁式銷售」。以一人買飛入場去計，你買一張$1180飛就需要買多一張$780。
有不願買黃牛的樂迷一早起身搶飛，可惜辦理所有手續後系統錯誤。(讀者提供圖片)
臨門一腳「撻Q」真係一殼眼淚。(讀者提供圖片)
【小知識：為何紅館騷黃牛飛難以杜絕？】
根據香港法例172章《公眾娛樂場所條例》第6條所示：
「不得以超過該東主、管理人或籌辦人就活動所定的款額（連須繳稅項（如有的話））的票價，售賣或要出售該等門票或門券，或展示或管有該等門票或門券以供出售，或游說他人購買該等門票或門券。」
違例者一經定罪最高罰款2000元。
既然有法律監管，何以紅館騷門票炒風依然盛行？原來康文署轄下場所包括紅館、香港大球場，同屬獲豁免發牌公眾娛樂場所，所以不受上述法例監管。
雖然周杰倫演唱會一票難求，但希望大家不要助長炒風。