【演唱會溫書】側田開騷必唱五首飲歌 入嚟溫定書唔好到時唔識唱

撰文:黃梓恒
出版:更新:

側田一連兩場的演唱會聽日開騷喇!計埋今次已經是他第七次的個人紅館騷,出道12年開7次都算好勁喇,雖然次數唔算多,不過想聽佢嘅人一定好多,尤其近幾年他將重心放在大陸,有不少樂迷已經好掛住佢。今次開得兩場,當然有好多人買唔到飛,所以買到飛嘅幸運兒一定要好好欣賞今次呢個騷,做足準備,熟聽側田一定要知嘅歌!

側田絕對夠流行同經典。(電視畫面)

由出道到現在,側田都被冠為「情歌王子」,除了他有一首歌叫《情歌》之外,是因為他的情歌首首都入心入肺,唱中每一段戀愛的經歷。而且雖然阿田有時好高音,不過他大部份歌,人們都能在K房唱出來,自然更加膾炙人口,就算而家,好多人都會唱返佢以前嘅歌,你就知道個傳唱度有幾勁!

 

入得側田演唱會,有五首歌你一定要聽過,最好識背埋,因為佢一定會唱。唔係講笑!

好人唔使講,呢首側田出道的成名作,相信就算唔係佢fans都會識唱。最緊要是,他唱出了每一個陪在女神身邊,作為一個小士兵的心態,你以為身邊很多圍繞著你,關心你,原來統統都是假的,好鬼sad。

又係側田第一隻碟的歌曲,佢第一隻碟其實真係首首都咁正!又係一首能夠帶起高潮的歌唱,講述一個守候者,決心要等自己愛人等到最後,無論中間遇到甚麼災難,無論要等多二百年都好,都一定要等下去,唱俾自己暗戀對象聽真係啱晒!

側田雖然唱得多sad嘅情歌,不過都有唔少冧歌,三十日一定係最代表性嘅一首。「由這一分鐘我一生就只有你」,呢一句真係冧死唔少人,亦都係演唱會必唱嘅冧歌之一。

唔好以為側田得慢嘅情歌,快歌一樣有!一個演唱會點都會有high歌環節,《決戰二世祖》絕對係必唱嘅歌,講述一個普通人點去同二世祖爭女,靠嘅當然唔係鑽石與黃金,而係一顆堅硬無比嘅真心。

上面講嗰四首都係比較舊嘅歌,成十年前都有,但作為新嘅演唱會,點都會有返啲新歌。呢首《不經不覺》係側田新碟主打嘅歌曲,派台成績十分之好,又是一首三台冠軍歌(側田總共有7首,其中一首《男人KTV》為四台)。今次唔再係情歌,而係講人生哲理,大家就係要聽吓先好入場,必唱呀!