【有片】女版《到此一遊》一樣好聽　五位無綫小花韓風熱舞係焦點

憑住《降魔的》大受歡迎，其主題曲《到此一遊》亦因此爆紅，這歌由胡鴻鈞主唱，極為洗腦，「誰願見死不救／滴水不漏／像一顆石頭」真係個個有睇過套劇都識得唱。首歌咁紅，TVB當然不會放過抽水機會，在其「See See TVB」的Facebook page上，就找來五位TVB小花去合唱這一首歌。

她們五個分別是馮盈盈、黃心穎、蔡思貝、張寶兒和邵珮詩，當然不只合唱咁簡單，打扮性感的她們還有很多辣舞的場合，還有跟男Dancer親密的鏡頭。將一首本身比較輕快的歌，配合埋她們五個青春動人的姿態，其實真係一絕，在視覺和聽覺上都有極高的享受。其實TVB一直都被話沒有創意、保守、悶等等，絕對可以向這方面做多一些新搞作，打入年青人的市場，靚女跳舞加唱歌，一直都是很有殺傷力的武器。雖然有啲似抄韓風，不過無問題嘅，好睇咪得囉！