【勁歌總選】王浩信連奪兩個合唱獎 下年索性淨係頒比劇集歌啦！
撰文：彭嘉彬
出版：更新：
《2017年度勁歌金曲頒獎典禮》進行了兩小時，心水清的觀眾應該便會知道，其實頒咗咁耐，絕大部份都係同星夢有關嘅獎項。除了「新人獎」有兩個星夢親生仔外，連「最佳合唱歌」的金銀銅獎項中，也竟然有兩首由王浩信奪得。
「最佳合唱歌曲」共有三個獎項，竟然有兩個也由王浩信奪得。 (梁碧玲攝)
王浩信及Hana菊梓喬的《欲言又止》奪得「最佳合唱歌曲」銅獎，而他與譚嘉儀合唱的《陪著你走》則得到「最佳合唱歌曲」金獎。王浩信得獎時也尷尬道：「呢首歌其實我覺得唔係好屬於我哋，因為呢首歌係屬於…死啦，突然唔記得咗咩名…」王浩信在台上突然忘記《陪著你走》原唱盧冠廷的名字，幸好Partner譚嘉儀急忙救駕。
王浩信在台上講感言時雖然想向《陪著你走》原唱盧冠廷致敬，卻突然忘記LoLo的名字。 (梁碧玲攝)
其實本年度樂壇不乏合唱歌，不過連合唱獎項也幾乎由星夢壟斷，倒不如下年坦率一點，每個獎項前也加上「劇集」二字，起碼不用被質疑其獎項是否造馬，又不需擔心「自己人」的歌曲會有競爭對手。
而《陪著你走》一曲除了有合唱版外，更有譚嘉儀的獨唱版，更順手一雞兩味攞埋「勁歌金曲獎」，而嘉儀更於台上邊唱邊喊到變豬頭。其實今年《陪著你走》大受網民好評，轉頭唔覺意攞埋大獎咪仲喊到收唔到聲？
譚嘉儀獨唱《陪著你走》時，邊唱邊喊。 (梁碧玲攝)