前as one成員在台灣人氣比香港好 Kayan：當地觀眾比香港熱情
前As One成員陳嘉茵（Kayan）早前到台灣參加選秀節目《希望之星》，曾經連續兩星期成為台主的她，揚威台灣。來到最後一集她更成為最後三強之一，雖然她最後以亞軍完成比賽，但雖敗猶榮。因為她成功在台灣以香港唱跳歌手身份打響名堂。
Kayan在《希望之星》中拿下亞軍並獲得30萬元新台幣獎金（約港幣7萬9千元）。當她接受《香港01》訪問時表示：「今次好開心可以得到《希望之星》嘅亞軍，好多謝台灣嘅觀眾投票支持我。今次呢個比賽可以同好多選手仲有前輩合唱真係好好玩，我自己盡咗力，我都好滿意呢個結果。希望可以好快喺香港、台灣或者其他地方推出新嘅音樂作品。」
問到贏得獎金後會否與家人慶祝，Kayan尷尬稱：「獎金仲未到手，應該會用喺公司音樂發展之用。」
要在台灣選秀節目《希望之星》擠身最後三強毫不容易，因為節目是以現場及家庭觀眾一人一票形式投選出來。換句話來說，除了歌唱實力外，人氣及「入屋」程度同樣重要。以Kayan現時的人氣，提到會否覺得在台灣發展比香港更適合，Kayan表示一切看經理人安排：「係有一啲台灣公司同我傾緊合作，不過都係聽經理人安排。其實去邊到發長都無所謂，只要可以推出屬於自己嘅歌我已經好滿足，唱國語歌或者廣東話我都唔介意，2018年我希望可以有一首個人代表作。」
提到Kayan的唱跳形象在台灣比香港較受落，她坦言：「我覺得台灣觀眾好比香港嘅熱情，佢哋比咗好多信心我。可能因為台灣人由《超級星光大道》年代開始特別關注選秀節目，而今次比賽電視台又會直播，觀眾又可以全民投票，所以自然會關注多啲。」
Kayan初道時，本地樂壇因受k-pop文化，樂壇跳舞組合湧現，除了有她當時的As One、Supergirls、其後更有一班MK組合。不過來到剛過去的樂壇頒獎典禮，大部分都無影，連上台獲頒跳唱歌手也只有鍾舒漫一人，可見唱跳歌手或組合的關注度大減。對於銳意成為唱跳歌手Kayan而言，她仍保持樂觀態度：「我覺得每一個時期都會有一個音樂類型主導，可能今年係樂隊。其實都係好事，起碼大家都會關注其他音樂。好希望大家關注音樂唔係真係只係潮流。我相信歌神張學友金句『好歌有好報』。」