鄭伊健拎走五月天檔期開紅館　隨時開足11場樂迷有福了

早前放風話會在今年重新復出樂壇的鄭伊健終於有聲氣喇！今日有消息指出傳聞伊健將會於5月在紅館舉行個人演唱會，無錯呀！係個人演唱會，唔使再同一班「古惑仔」一齊，不過相信都會搵返他們做嘉賓。伊健自從2012年8月在香港開完4場《Light and Shadow 鄭伊健演唱會》之後，便沒有再在香港開個場，事隔差不多5年半終於再開，各位粉絲準備好未呢？

之前因為五月天宣佈今年在香港的演唱會移師到戶外演出，所以紅館已放出了5月1-18日的檔期，而梁詠琪已經率先宣佈會在5月4和5號於紅館舉行個唱，而今次消息指出伊健傳聞將會由5月8去到5月18日，足足有成11日，不過是否開足咁多日就仲未知。

不過一眾伊健粉絲可能要失望了，事關在伊健Fans Page上已經發出澄清指沒有開演唱會一事，而伊健在五月期間應該是拍電影中，粉絲們可能要再等一等了。