張敬軒今年要出靈界大碟？ 笑言：燒畀我啲Fans！
撰文：彭嘉彬
出版：更新：
張敬軒今年全面回歸樂壇，幾年時間內，原來佢爭落唔少「街數」，由出廣東碟、國語碟、做科幻片男主角、拍電視劇等等，找起數嚟真係分分數去到下年都未找完。不過呢啲風吹咗咁耐，連Fans都忍唔住整咗個走數清單Post上網，軒仔當然就要做返個「找數真漢子」啦！第一炮，佢就首先找咗「出碟」呢條數先！
話說軒仔都算有心，其他人宣布出碟都係開個Press Con就算，軒仔就真係拍埋片，將成個「出碟」過程做畀大家睇。不過…為何結果不是我想的那樣？軒仔找數「出碟」，真係去畫瓷碟，仲一畫就畫咗21隻，認真有才華。其中一隻碟仲畀佢畫咗道「天師靈符」喺上面，寫住「出碟成功、出極都有」，佢開玩笑話：「呢隻碟幾時出好？梗係七月啦，靈界大碟呀！」仲話要將啲碟燒畀Fans，認真搞笑。
呢隻「靈界大碟」我諗大把Fans搶住要！ (影片擷圖)
+6
不過講返正經，軒仔喺片尾亦正式宣布，3月就會推出自己嘅最新專輯，唔知專輯最後會唔會好似片中所講咁，係廣東兼國語大碟呢？希望軒仔唔好再走數啦！
軒仔話呢啲碟新年後就會送比樂迷，至於新專輯就等3月啦！